the skill
اختيار جيد لوس انجلس و لاس فيجاس ، سان دييجو و سان فرانسيسكو ، كلاهما مدن سياحية من الدرجة الاولى فالأحسن انك تروح لهم ثنتينهم
هذا اذا كانت مدة اجازتك تسمح للذهاب الى الأربع مدن
ارجو لك رحلة موفقة

alderhim
شاكر لك مرورك
طيب عندي 16 يوم تقريبا اذا بإمكانك ترتبلي الرحلة من فين ابدا وانتهي
جزاك الله خير

اخوي
6يوم قليلة جدا على الاربع مدن اللي ذكرتم لك ، لكن ممكن تقسمهم على ثلاث مدن ، على الشكل اتالي :
9 ايام لوس انجلس
3 ايام سان دييجو
4 ايام لاس فيجاس
طبعا التنقل بين هذي المدن بالسيارة المؤجرة من اول محطة لك باحد هذه المدن
هذا اقتراح فقط و انت ممكن تعدل عليه حسب ظروفك و امكانياتك
ارجو لك التوفيق

اخونا الدريهم ما قصر
ولو تزيدهم 3 ليالي في سانفرانسيسكوا ممتازة !!
بالتوفيق ..

شاكر لكم مروركم ياغاليين
مضطر اخليها مبدئيا وعلى الترتيب 3 ايام نييورك و 8 ايام لوس انجلس و 3 ايام لاس فيجاس ويومين نييورك من ثم العودة
رأيكم يهمني
جزاكم الله خير

رأيي شطب على لاس فيجاس ،
ما زرتها لكن من خلال اطلاع وسؤال تبين لي أنه لا يوجد بها ما يستحق سوا الشارع الشهير ،
3 أيام نيويورك ، 6 أيام لوس أنجليس ، 3 أيام سان دييقو ، 4 سان فرانسيسكو
كذا تكون غطيت أهم الأماكن ، وترى الواحد مو لازم يشطب على كل شيء ، بمعنى مو لازم أقعد بلوس أنجليس 10 أيام ، 6 كافي وفي المقابل باقي الأيام أزور فيها مكان آخر .
وجهة نظر ..

الميكادو
اتفق معاك من ناحية عدد الايام
لكن ماودي ازور سان فرانسيسكو لعدة اسباب منها التشابه بين لوس انجلس وسان فرانسيسكو من حيث طبيعة الاجواء والاماكن السياحية يعني اللي في سان فرانسيسكو موجود في لوس انجلس لكن في لوس انجلس على احلى واكثر عشان كذا حكتفي بلوس انجلس وبالنسبة لفيغاس اعتقد من الصعب جدا ازور امريكا وكاليفورنيا خصوصا وما ازور لاس فيغاس
على العموم اعطيتها 3 ايام واعتقد انها كافية و وافية
شاكر لك وجهة نظرك ويعطيك العافية

فيقاس لازم لازم تزورها......ماتطوف ابدا
سان فرانسيسكو مختلفة تماماً عن لوس انجلس......كانها مدينة أوربية....وطبيعتها كذلك غير ...والاماكن السياحية فيها مختلفة تماماً عن لوس انجلس

اتفق مع خبيرنا عزيز في رده وكنت بكتب نفس الشي !!