ارمـــ ARMANI ـــاني
22-10-2022 - 05:49 pm
السلام عليكم ورحمة الله وبركاته ...
أنا من المتابعين لمنتدى العرب المسافرون ولي زمان وانا اتصفحه ..
وللأمانه استفدت منه الكثير ...
وانا اليوم بموضوعي هذا حاب افيد غيري
طبعاّ هذا اول موضوع لي في المنتدى ..
وراح يكون موضوعي عن رحلتي لدبي ...
رحلتي كانت في يوم 18 / 12 / 2010 لمدة اسبوع
كانت انطلاقتنا انا وزوجتي الغالية من مطار الملك فهد بالدمام إلى مطار الشارقة الساعه 10 صباحا ً ..
هذه صور من الطائرة
وصلنا لمطار الشارقه ومنه اخذنا تاكسي لدبي ..
وطبعاّ كانت وجهتنا الاولى على عرب لينك لحجز السكن ...
مكتب عرب لينك بالقرب من دوار الساعه
]
قابلنا الاخ غيان وكان جداً محترم ومتعاون وبشوش ...
ونحن من شروطنا بالسكن ان يكون بالقرب من الامارات مول ( في منطقة البرشا ) ..
ونصحنا بفندق كاسلس البرشا ...
واتفقنا معه وكان السعر لخمسة ايام ب 1250 درهم شامله وجبة الفطور مجانيه وانترنت مجاني ..
ومن هنا اشكر مكتب عرب لينك والعاملين فيه على حسن تعاونهم وشهادتي فيهم مجروحه على صدقهم وامانتهم ..
ومن عرب لينك اخذنا تاكسي للفندق ..
عند وصولنا للفندق كان استقبالهم ممتاز وماقصروا ابد ...
وهذا صور للفندق وللغرفه ..
الغرفه ...
دورة المياه ( اعزكم الله ) ..
الفندق ماشاء الله حلو
وطبعا مافيه لاخمور ولا بار ولا غيره
يعني ينفع للعوائل
في الدور الاخير المسبح والنادي الصحي ..
ويوجد بالدور الارضي مكان للاطفال يحتوي على العاب ترفيهيه لهم
يميز الفندق وجود محطة المترو امامه مباشرة ( محطة شرف دي جي ) ..
ريحنا شوي بالفندق إلى العصر وطلعنا للامارات مول تمشينا شوي فيه
واكلنا شي خفيف في المطاعم
بعد ما اكلنا رحنا لسكي دبي ..
هذا صور من الاجواء بالداخل
بعد ماطلعنا من سكي دبي تمشينا شويه بالمول ..
وانا عشقي ماركة ارماني ضروري ادخله واشتري منه
ودخلنا الكوفي تبعه وشربنا كوفي منه ..
وامتحنت ام ام ام زوجتي بارماني
كل ماشفت محل لارماني يفز قلبي وكل مافيني واطلع الكام واصوره واجلس اهلوس بوه
>>> اتوقع انها كرهته
هذا كان تقريري لليوم الاول ..
اتمنى انه يعجبكم وتستفيدون منه
انتظروني في الجزء الثاني من موضوعي ..
تحياتي لكم اخوكم ..
ارم ARMANI اني
