- السلام عليكم
- اخواني الاعزاء اخواتي المحترمات
السلام عليكم
اخواني الاعزاء اخواتي المحترمات
قبل كم يوم صار لي موقف سئ مع الهاتف المجاني لهيئة السياحه بسبب قرار وزارة الداخليه باغلاق الصيدليات..المهم مالكم في الطويله..انا رحت اشتري لبنتي هيا شراب تمبرا((لاتحرجوني )) المهم الساعه كانت 12 وربع في الليل..الصيدليه اللي رحت لها هي صيدلية النهدي اللي بجنب بلدية الخبر..والله يا اخوان شفت منظر مقرف..اللي هو ان الصيدليه مسكره الابواب وفاتحه نافذه صغيره تقريبا 15 سم في 15 سم وتطلب ويجيب لك الصيدلي طلبك..انا طلعت جوالي وقلت بصور الموقف وكان فيه شخص بجنبي شجعني وعرف بنفسه بأنه اديب مشهور وهو كذلك لانه اعطاني اسمه وبحثت عنه في جوجل..وزارة الداخليه عندنا مش كسوله لهالدرجه بحيث انها تمنع جريمه او سطو بتقفيل الصيدليه..لا وبمدينه سياحيه مثل الخبر..بيني وبينكم انا غرت على سياحتنا الداخليه واتصلت بهيئة السياحه 8007550000وكان الحوار التالي/
ابو هيا/ السلام عليكم
الموظف/عليكم السلام
ابو هيا/اكلمك اخوي من الخبر حبيت ابلغكم عن شئ يسئ لسياحتنا ويعطي شعور بعدم الامان الا وهو اغلاق الصيدليات خوفا من سطو او شئ بعد الساعه 12.
الموظف/بما معنى كلامه...وخير ياطير هذا شئ قديم ومطبق في الرياض قبل سنوات:112:
ابوهيا/طيب لو كان قديم ماعندكم عقل تفكرون فيه بأنه يعطي شعور للسائح انه المكان غير آمن.
الموظف/عندك شئ ثاني غير هالكلام
ابو هيا/ليش مو معجبك كلامي.
الموظف/ما اقول فيه شئ بس هذا نظام ووزارة الداخليه هي السبب.
ابو هيا/لو هي على وزارة الداخليه كان قالت لا احد يسوق سياره علشان لايصير حوادث ولا احد يتكلم مع احد علشان مايصير مشاجرات..بعذرهم ضباطهم يبون ينامون ويحق لهم دام انتم ساكتين.
الموظف/اخوي عندك كلام ثاني((حسيت اني متطفل عليه او ماعندي شغل
ابو هيا/اخوي ممكن تعطيني اسمك.
الموظف /اسمي طلال.
ابو هيا/طلال ايش.ممكن اسمك الكامل لاني برسل برقيه للامين العام لهيئةالسياحه.
الموظف/مالي اسم كامل..اسمي طلال وبس تبي شئ
ابو هيا/المكالمه مسجله ورفضك لاعطائي اسمك فيه مخالفه للنظام.
الموظف/بما معنى كلامه..تبي شئ قبل لا اقفل السماعه.:112:انا كلمت اخوي الكبير يعمل في وزارة الداخليه وقلت له هالكلام ومادار بيني وبين الموظف..اخوي قال لي احسن ماسوى فيك ولو كنت مكانه طلعت لك من التلفون وعطيتك كف على وجهك
ومأتوقع ان هذى القرار بيأثر على السياحه في الخبر او الدمام مجرد اجراء أحتياطي ومايطبق الا بعد منتصف الليل وفي هذى الوقت اكيد السياح رجعو الا فندقهم ولا مقر سكنهم