أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ولرحمة الله وبركاته
احتاج خبرتكم في احسن ولاية من الولايات هذي :
سياتل, لوس انجلوس ,ميامي ,كاليفورنيا, تكساس
اول مره اروح ومحتار .. لاتطنشون تكفون
لمساعدتك يرجى مساعدتنا والإجابه عن الأسئله التاليه :-
1- كم هي فترة الإجازه .
2- ما هي الإهتمامات والهوايات .
3- هل هي رحله شبابيه ام عائليه , وكم عدد الأطفال .
4- ما هي الميزانيه التقريبيه .
5- هل تحب الطيران ام تفضل استئجار سياره والسفر بها بين المدن .
أعتقد اذا اجبت عن هذه الأسئله فسوف يساعدك الجميع .
ياعساي مااعدمكم قولو آآمين
هي دورة لمدة 9 سنوات وليست اجازة ... ولكن عطوني الخيار لاختيار الولاية ..
وصح نسيت ولايتين ( بوسطن وسان فرانسيسكو )
وهي رحلة عائلية ومعاي طفل واحد بس عمرة سنه و 3 شهور واكيد مثل اي سفرة لازم يكون فيها ترفيه وتنقل بين المدن
القريبة وبالنسبه للميزانيه ماعندي مشكله اهم شي ارتاح في المكان
وافكر ان شاء الله استأجر سيارة هناك باذن الله اذا الله سهل ولامانع من الطيران اذا تمكنت من الوضع هناك وعرفت للحجوزات
ومشكوريين مقدمآ
حياةبلاحياة
اخوي متأكد 9 سنوات ؟؟ انا بطلت عيوني يوم جفت 9 سنوات ..
يمكن قصدك 9 شهور ؟؟ مستحيل دورة 9 سنوات هذي ولا معسكر ..
وعن الولايتين انا بصراحة ماعندي فكره ولا وحده فيهم ..
ان شاءالله الشباب بساعدونك ..
اتوقع 9 شهور
الا اذا كنت تدرس طب ممكن توصل لهالمده
بس اتوقع 9 شهور لأن خبرتنا بتأجر سياره
عموماً انا انصحك تشتري سياره ما تأجر اوفر لك
وممكن تشحنها اذا انتهيت من الدوره
افضل الولايات من الي ذكرتها كاليفورنيا صحيح تعتبر بعيده
لكنها الافضل من ناحية الجو شتاها اخف من الولايات الشماليه والشرقيه
ولايه نظيفه وجميله خاصة منطقة sandiego وفيها من الترفيه مثل seaworld
وفيها walt disney و universalstudio في لوس انجلوس
في هالولايه ماتحتاج الى طيران
من ساندياغوا الى لوس انجلوس من 3 الى 4ساعات تقريباً وقريبه منهم سان فرانسيسكو
والثانيه بوسطن بس اتوقع اغلى وبتكون اقرب من كاليفورنيا لك
فيها كثير عرب بس احس انها زحمه شوي
اتوقع في هالولايه تحتاج طيران كل شي بعيد عنك اقرب شي نيويورك تقريباً من 3 الى 4 ساعات والباقي بعيد
هذا الي أذكره والاخوان مابيقصرون
حياةبلاحياة
لوس انجلوس هي عاصمة ولاية كاليفورنيا
وميامي مدينة من مدن ولاية فلوريدا
وتكساس ولاية وفيها مدن كثيرة
ومن ناحية الولايات الاحسن
في نظري انها كاليفورنيا وولاية فلوريدا
يعني كل واحد يقدر يوح على اكثر شي يهتم فيه
وميامي مو ولاية .. اهي مدينة في ولاية فلوريدا ..