معليش اخوي هذي مبالغه كبيره جدا اقاربي سنويا يروحون صلاله واصحابي ولي اصحاب منها او مره نسمع بالموضوع هذا وعمان ناس محترمين جدا انا رحت عمان وجدت كل ترحيب واحترام اخي ماقل مايقرا ينقل تقبل تحياتي

يا أخي لا تعمم أنا لم أقل عمانين بل قلت غجر موجودين في عمان ورجاءا لا تحول الكلام على حسب فهمك الشخصي أنا هذا موضوع قرأته وأحببت أن أنبه عنه للحيطه فقط ولم أتهم أهل عمان بشيء أنا شخصيا لي تعامل معهم كبير بل بالأصح صداقه من خارج هذا المنتدى وما لمسته هنا من أهل عمان غني عن التعريف والشهاده ...!
ربما الأخ عمان والأخ سالم وغيرهم يدخلون الموضوع ويوضحون الأمر

مع كل الإحترام والتقدير للجميع ..
ومع احترامي الكبير لك يا ناقل الموضوع لكن
هذا الموضوع
كلام فاضي ولا أساس له من الصحة ومستحيل يحدث بهذه الطريقة !!
ليش نحن وين عايشيين في القرون الوسطى !!
بالمناسبة كاتب الموضوع عنده خيال واسع !!
لكي لا يساء الفهم فكلامي موجه لكاتب الوضوع وليس لناقل الموضوع .

أخي ليان ترى ما كل مايسمع أو يقرأ يقال
ومع احترامي الشديد لك أخي هذا الكلام غير صحيح
وأقول هذا عن تجربة مع أهل عمان وأهل صلالة خاصة
عشنا معهم في المدن وزرنا معظم قرى صلالة وأريافها
ماوجدنا منهم إلا كل احترام وتقدير ولكن قديكون ناقل هذا الخبر
( وقد تفيد التقليل إذا دخلت على الفعل المضارع )
آذاهم في مواشيهم ومن آذى فليتحمل نتيجة عمله
وكما ورد في الحديث عامل الناس بما تحب أن يعاملوك به

Amr-22
معك حق حتى أنا استغربت من هالكلام اللي ماعمري سمعته ..

المسالم22
يا أخي أنا لم أقل أهل عمان أو صلاله ياليت ماتقولون هالكلام لي لأنه يأذيني بحكم مخالطتي اللصيقه لهم وأنا أعرف اكثير من صفاتهم و سجاياهم اللي نادرا مانلقاها في هالوقت ..
وكما وضحت سابقا أنه موضوع منقول من منتدى يحمل مسمى صلالة وخريف صلالة وهذا ماأثار الشكوك عندي في وجود فئه معينه من هالنوعيه اللي بعمري ماسمعت أنها موجوده في الجزيرة العربيه أصلا !
رجاءا ...
لا أحد يدخل ويتكلم في أخلاق أهل المنطقه العزيزين على قلوبنا والله مانكن لهم ألا كل احترام وتقدير ..
وأخلاقهم وتعاملهم أمر مفروغ منه ..
تكلموا عن هالفئه موجوده أو لا برغم أني تأكد أن مالها وجود ..
انتهى

خلال تواجدي بصلالة من أسبوع صار لي نفس الموقف مرتين كنت موقف السيارة شوي تحت يعني مسافة متر واحد فقط لاغير اذا مب اقل عن الشارع لأنه فوق الجبل الكل يعرف من الساعه 4 العصر الرؤية تستوي معدومة وكنا عايلة مكونه من سبع اشخاص أنا وياهل عمرة 6 شهور والوالدة ثلاث حريم والوالد وشوي يوقف واحد عنده بيك اب ويظهر راسة ويقول مرة ثانية ماتوقف هنا ممنوع وذا شفتك واقف مرة ثانية مايصير خير انا بصراحة سكت عنه ولارديت علية بكلمة وحدة ومثل يقول المثل حقران يقطع مصران وشوي يروح الحبيب وشوي الوالد يقول يمكن هذي أرضه نصد يمين سهل يسار سهل جدامنا شارع خلفنا وادي وطنشنا الموضوع واستانسنا بالجو وشي سيارة البلدية توقف عالشارع الوالد قال شكله سواها واشتكا علينا ولا ينزلوا 3 هنود وكل واحد كيس بأيده وجايين صوبنا وشلوا الكيس ودبات الماء الفاضية اللى كنا مجمعينها في مكان واحد ونادت على واحد منهم وقلت له رفيق فيه مشكلة يجلس نفر منا قال لا بابا مافيه مشكله ....والمرة الثانية كنا سايرين نتمشى بجبل أتين الساعة 6 المغرب وبسبب انه الضباب زاد والرذاذ ايضا فحصلت مثل لفة مستوية بجنب الشارع من كثر ما السيارات لافة عليها فنزلت وعدلت السيارة عشان أرجع وماحصلت الاواحد يوقف لي ويقول والله أذا ماظهرت من هالمكان ببلغ عليك الشرطة خربتوا المكان دمرتوا البلاد ......الكل اللى في السيارة مبطل حلجة خمسة متر نصد يمين يسار شرق غرب جنوب يمكن أحنا صج غلطنا ومشينا فوق الحشيش ...... لا هذا طين مافي أي بقعة حشيش والاعمي يعرف أنه ماشي حشيش في هذا المكان ........لاحول شو الحالة والحبيب واقف وعيونه اطلع شرار تقول ذابح له واحد وسكت عنه وعدلت السيارة وطلعت على الشارع وفي خاطري اقول الاهل وياي ولا كان اليوم بيوصل الدم لركب وعقبها حرمنا نتغدا على بقعه فيها حشيش ..... وعلى فكرة هذي المرة الخامسة اللى اروح فيها صلالة بس هاي أول مرة نحس بهذا الشي ......

أخواني الأعزاء الكلام هذا ممكن يكون صحيح أذا كان الشخص يخرب المكان فعادة بعض الناس الكبار في السن من أصحاب الجبل من كثر اللي يسوونه بعض الشباب من تفحيط وتخريب بالسيارات للأعشاب والتربة بالجبال ولو الواحد منكم يجي أعتقد بيشوف بنفسه اللي يسوونه الشباب اللي هم من خارج البلد ربنا يسامحهم وأعتقد أخي ليان وأخي راعي الكومارو شافوا بعينهم هالشئ خاصة في وادي دربات.
على العموم نادرين جدا هالأشخاص ومثل ماأشوف في الموضوع أنه الأخوة ليان وراعي الكومارو صادفتهم هالحالة بجبل أتين فقط يعني ممكن نفس الشخص؟؟؟؟؟؟
على العموم بصراحة اللي نشوفه وبتشوفونه بأنفسكم من بعض الشباب المستهتر يخلي الواحد يكون مقهور ويقول والله الشباب اللي من هالأشكال أتمنى عدم مجيئهم لصلالة . البارحة كنت في وادي دربات وكان معي شباب من السعودية وكانوا يشوفون مثل هالحالات ويقولون بصراحة هؤلاء الشباب اللي يفحطون يستاهلون الحجز ومايطلعون من السجن وأنا كنت أقولهم لحظة شوفوا أيش اللي يصير بعد شوي ماقصروا رجال الشرطة مسكوهم وحجزوهم وحجزوا سيارتهم مابالكم اللي يقول هالكلام شباب من السعودية كيف أبن البلد وصاحب المكان أيش اللي تبونه يسوي مع الشباب الطائشين على العموم مافيه داعي لتهويل الأمر هذه حالة نادرة جدا وكل شخص يكون محترم الناس والمكان اللي فيه يشيلوه الناس فوق رأسهم ومالكم إلا راحة البال وحياكم الله.