1. قلت اوكي و طلعت من عندهم


2. رحت غيرت التأمين من مكتب التعاونية اللي في حي السفارات


3. قلت لها شوفي صور 3 بطاقات فيزا معي قالت خلاص اوكي .

السلام عليكم ورحمة الله وبركاته
رحت للسفاره يوم الاربعاء الصباح الساعه 7:30 تقريباً و سجلت اسمي
و انتظر حتى الساعه 9 ودخلنا انا و مجموعه من الاخوان
الا طلع علينا السوداني و قال اللي معه فوتشر مكتب سياحي لا يجي و انا في بالي اروح عنده على كلام الاخوان هنا .
يوم شفت كلامه قلت اروح عند الحرمه يمكن اموري تمشي.
رتبت لها الورق مثل ما تبغى
شافت حجوزات الفندق من مكتب قالت لي ما ينفع هذا لازم من هناك تأكيد الحجوز.
و قالت لي التأمين هذا ما ينفع و المشكلة من التعاونيه لانه الشركة عندي التامين من التعاونية و الورقه اللي معي كان فيها مشكلة في التواريخ من مكتب التعاونيه اللي عندنا في الشركة .

قلت اوكي و طلعت من عندهم

رحت غيرت التأمين من مكتب التعاونية اللي في حي السفارات

و اتصلت على المكتب اللي يتعامل معه المكتب اللي عندنا هنا في النمسا و قلت لهم السالفه و اني ابغى تأكيد قال لي وشلون ما يقبل فاوتشر المكتب اللي عندك المهم قال اوكي برسل لك ورقه من مكتبنا في النمسا عليه تأكيد الفنادق و ارسلها مشكور .
و رجعت للسفاره و دخلت بطلعت الروح بورقه التأمين المعدله و فاكس مكتب الحجوزات النمساوي.
و ارجع عند المهبوله مره ثانيه و اعطيها الاوراق شافت ورقت المكتب السياحي قالت لا ما ينفع قلت لها هذا مكتب نمساوي من عندكم ما تقبلونه مصيبه راحت دخلت عن احد مدري منهو و رجعت لي و قالت ما ينفع لازم من الفندق نفسه.
قالت خلني اشوف اوراقك اذا فيه شي ناقص علشان تكملها و تجيبها يوم السبت شافت الحساب فيه 30000 قالت ما يكفي انتم اربع اشخاص تعد الطفلين على انهم كبار قايل لكم مهبوله في هذيك اللحظة تمنيت ما بيني و بينها قزاز بسدد لها وحده خطافيه في عينها:112:

قلت لها شوفي صور 3 بطاقات فيزا معي قالت خلاص اوكي .

و اطلع و اكلم المكتب اللي في النمسا و هذي المره كلمت صاحب المكتب انهبل لما عرف وش اللي صار و قال لي انا ادفع ضرايب في البلد مو علشان يرفضون اوراقي و بصراحه كان متعاون مره معي و اتصل على السفاره و شكله تلاعن معهم و رسل لي بالفاكس ايميل المراسلات حقتهم مع الفنادق و انها اوكي بس انا قلت خلني اتصل على كل فندق و اخليهم يرسلون لي فاكسات من عندهم بالحجوزات. اضمن لي
و ان شاء الله يوم السبت بكون عندهم و نشوف وش بيقولون لي ان شاء الله تمشي الامور هذي المره
و اسف على الاطاله