بسم الله الرحمن الرحيم ..
اول شي حبيت اقولكم عن اللي صار معاي في مقابلة الفيزا في السفارة الامريكية
بصراحة انا طلعت شويه مقهور وتعبان نفسيا ..
اول شي وصلت لي السفارة ووقفت سيارتي طبعا بعيد عن السفاره لانه كل الطرق مصككه ..
وتمشيت انا وزوجتى الى المبنى .. وفتشونه وكل شي .. وكان اماي تقريبا 3 اشخاص يعني شوي واصل من وقت من الساعة 8:35 صباحا
وعقب 10 دقايق .. دخلونه الى المكان المخصص لدفع رسوم الفيزا والانتظار لحين ينادونك للمقابلة ..
وطبعا اهني عاد نقعونه :112: يعني تقريبا مو اقل من 45 دقيقة ..
وبعدين ناداني وييت له مبتسم شاق حلجي واهو بعد ابتسم لي قالي صباح الخير ..
وخذ بصماتي وقام ينكت يازعم علي يقولي هذي الاجراءات راح تسويها طول حياتك ..فقمت صحكت وقلت له معليه ..
وسألني وين تشتغل ؟؟
وجاوبته
وقالي في وين درست؟؟
قلت له
الا يقولي ليش ماكتبت وين درست في فورمه 157؟؟ قلت له ما كنت ادري انه تبون وين دراست في الفترة الجامعية توقعت انه تبون بس المعاهد وليس الجامعات .. قالي اكتبهم بيدك ..
وقلت له حاضر وممنون .. قمت وكتبتهم بيدي ..
وقالي ليش بتروح ؟؟
جاوبته انه لشهر العسل ..
قالي وين جوازك القديم ؟؟ طبعا انا ضايع
قلت له ماعندي ضايع وقلت له اذا تبي الجواز اللي اقدم اقدر اييبه لك ..
رد قالي الحين موجود عندك ؟؟
قلت له لا في البيت .. بس بييبه لك اذا بغيت ..
قالي بس عيل ييبه معاك ورد عطاني الورقة اللي كاتب فيها السنوات ووين سافرت ...
الا يقولي ويا وجهه :112: رد اكتب لي وين سافرت باليوم والشهر والسنة وسبب السفر
مع العلم اني رايح بس دول الخليج العربية خلال ال 10 سنوات اللي راحت ..
قلت له ابشر ..
وعطاني فورمه زياده ورقمها 158 قالي امليها كاملة + جوازي القديم + باليوم والشهر والسنة وين سافرت وليش !!:112: ..
وعطاني ورقه مكتوب فيها اللي يبيه وقالي تعالي اي وقت وييب لي اوراقك او تقدر بس تسلمهم عند الباب علشان نقدر نكمل جراءات الفيزا .. وطبعا الجوازات ردها لي ..
والحين انا تايه ومتحطم نفسيا ومب عارف شاسوي ..
لانه انا بالذات آخر 6 سنوات ما اعرف التاريخ بالضبط وين سافرت
يمكن اعرف الشهر ... بس بالايام مستحيل ..
ورحت حق الهجرة والجوازات وقالوا لي انه مايصير يعطوني اثاباتات او شهادة وين سافرت خلال ال 10 الا اذا عندي رسالة رسمية من السفارة نفسها :112: ..
ياليت تشوفون لي حل بصراحة مادري شفيني متحطم توقعت الاجراءات تكون اسهل ولكن تعقدت الامور