السلام عليكم
ياجماعة الخير انا اجازتي بشهر ثمانية الجاي طبعا هجري عاد مادري وش يوافق ميلادي
الوكاد اني ودي اسافر برا المملكة او داخليه المهم انبسط ابي شوركم ورايكم
بالنسبة لسفريه ابيه لعائلة مكونه من زوج اللي هو انا طبعا احم
وزوجة وثلاثة ابناء الله يصلحهم اصغرهم عمره تسع سنين عفوا مانب قاعد امسح تسع شهور
الزبدة ابي سفريه تصير رايقه ومابي مناطق تمشي ومشي وتقطيع رجلين لا
ابي مكان رايق اجلس به عشرة ايام ولا اغيره ولا ينمل منه
اما كثر التمشي والتفرج مالي بوه حاجه الناس فرقاهم عيد
ابي محل يكون رايق وولا شاليه بس مايكون موحش تعرفون معي عايله
انا بصراحه علشان اقرب الوجهه حاط في بالي ثلاثة مناطق
يا اندونيسيا ولا ادري عاد يمدين ولا لا لاني كل ماجيت ابسوي شي قلت بكرا
والثاني مصر والاسكندرية مهيب شرج الشيخ لا الاسكندرية
والثالث والظاهر هو اللي يبي يصفى حقل
وابي شوركم تكفون الله يجزاكم خير لاني والله اني مادري وين اروح
مشكلتي كل شي ايه بعدين نشوف ابي اللي مرت عليه نفس ظروفي يقولنا
وين راح وش المكان اللي يخلي الواحد يحس انه انبسط
وجزاكم الله خير واسف على الاطاله