أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم اخواني اتمنى من اخواني البحرينين او كل شخص له معرفه ب منتجع البندر يقول لي ومع الصور لو ما عليكم زود لاني مخطط مع العائله نسافر ولا ندري وين نسكن ويمدحونه البندر وشكرا
وعليكم السلام ورحمة الله وبركاته
أخذنا شالية بعد عيد شوال العام .. بصراحة يمكن توقيتنا كان سيء لأن الشاليهات كانت فاضية مافيها الا احنا ويمكن عيلتين غيرنا فكان هدوء وملل .. وللأسف ماعندي صور واضحة للشالية بس كان بحدود 750 ريال الظاهر والشالية نفسه حلو بس مشكلته انه على البحر مباشرة يعني حلو للي يبي يصيد سمك مثلاً والا يلعب بالجت سكي .. احنا كنا نبي شاطئ خاص وقعدات عوائل وللأسف ماكانت متوفرة هناك زي قرية الخليج بالدمام مثلاً ..
شخصياً أشوف قرية الخليج أحلى خاصة اذا صار معك جمعة وناس ..
شوف أخوي
هناك نظامين شاليه وكابينه
الشاليه غرفة وصالة مطبخ تحضيري وتكرم حمام
الكابينه غرفة فقط حجمها متوسط
الشاليه على ابحر مباشرة ( داخل البحر)
الكابينه يعني 4 أمتار والبحر أمامك
السعر للكابينه تقريبا 45 دينار كوتي
والشاليه 75 كويتي
ويمكن عاملين عرض بالصيف
حمام السباحة عادة فل ويمكن وقت الزحمة ما يناسب العوائل أما البحر فلأنه كبير ممكن تختار لك ركن لتأخذ راحتك أنت والعائلة
وطبعا هو بجزيرة سترة
واقرب مول هو مول سترة الجديد ويبعد عن المنامة حوالي 25 دقيقة تقريبا
البندر يمكن بعيد عن منطقة المجمعات في السيف والمنامة (حوالي 20 دقيقة وقت الزحمة ) لكن هناك مجمعات قريبة مثل مجمع سترة ومجمع سنتر بوينت جواد في النويدرات ومنطقة المطاعم في سند فدركرز ويم يم تري. اللي عندة سيارة في البحرين ما فية شي بعيد بالنسبة لة.
