بسم الله الرحمن الرحيم
اول حاجه احب اشكر كل الاشخاص في هذي الشبكة وانا لي سنتين أتابعها بس توني اسجل
ناويه اروح بريطانيا ان شاء الله وقريت مواضيع كثير عنها بس في استفسارات ما لقيت لها جواب
اول شيء حنا 6 أشخاص وانا بتكلف بترتيب الرحلة
بنروح شهر 11 ميلادي يعني بدايه نوفمبر لمده 10 ايام اشترينا التذاكر وقالو لنا الجو كئيب وبارد جداً وش رايكم
بهذا الشهر ممكن نروح منطقه البحيرات ولا ليكون برد ومنطقه ترشحون نروح لها وياليت سكن فيها
وايش اللبس الي نحتاجه خاصه ان معنا طفله
وفي لندن نبي نسكن في شارع اكسفورد بس اسعار الفنادق غاليه
ابي تدلوني على منطقة او شارع يكون راقي وفيه محلات وقريب من اكسفورد او أوتيل بنظام غرفه ثلاثية في اكسفورد ويكون سعره معقول
حنا حاطين ميزانيه بين 10 الاف الى 14 الف ريال سعودي للسكن
وشارع الكوميديا وشو بالضبط وهل يستأهل نروح له
ونبي نحضر مباراة لمانشستر ان شاء الله هل ممكن نروح ونرجع بنفس اليوم ولا لازم نجلس يوم هيناك وكم سعر تذاكر المترو وهل لازم وحجزها من الرياض واذا يحتاج نجلس يوم
في أوتيل معين ترشحونه او مكان يستحق الزياره
والي عنده خلفيه كيف اشتري تذاكر لملمباراة وهل ممكن نستمتع فيها اذا الجو بارد
اتمنى اي احد عنده معلمومه ممكن تفيدني يكتبها حتى لو خارج استفساراتي
وشكرا
وان شاء الله تستمتعون في تقريري عن مدينه الضباب اذا رجعت