معليش نسيت اقول لكم حنا شخصين فقط انا والمدام ولا فيه اطفال

بالسيارة الرحلة بتكون ولا أروع , ورايحة تكون بأذن الله رحلة العمر مثل ما يقولون ,
متي تاريخ الوصول لنيويورك ؟
ممكن الانطلاق من نيويورك والوصول لفلوريدا , راجع اليك ويعتمد على توقفاتك بالطريق ,
الطريق جداً امن ويوجد فنادق وموتيلات بالطريق ومطاعم وجميع ما تحتاج الية ,
وممكن فقط تربط نفسك بحجز فنادق اورلاندو والباقي يكون مرتبط بظروف مسارك بالطريق ,
حاجز على السعودية ؟
ممكن تغير حجزك ؟
ممكن لكسب الوقت اذا قدرت يكون وصولك لنيويورك لتغطية الاماكن المحيطة ثم التوجة جنوباً لأورلاندو وبالعودة التوقف بواشنطن والعودة من هناك ,
وممكن تسليم السيارة بفلوريدا والعودة جواً لنيويورك اذا كان قد اتعبك الخط ,
الخيارات عديدة ياغالي ,
موفقين , , ,

اشكرك اخي waleed8818
انا حاجز على السعوديه وصولي لنيويورك 13 sep -والعوده عندي 10 oct -
لكن اقتصاديا هل فيه فرق اقل او اكثر ؟ -
وكم تتوقع احتاج من الوقت بالطريق ؟؟
وبالنسبه للأماكن المحيطه بنيويورك هل هي اللي ذكرت في سؤالي في البدايه -
وبالنسبه لطريقة الحجز للسيارات انا صراحة ما زبطت معي لانه بعض البيانات ما عرفت اترجمها -
وبشوف لي طريقه ادبر حالي -
معليش اسالتي كثرت شوي - بالنسبه للاجواء ودرجات الحراره في sep انا اشوف انها 15-22 هل يحتاج ملابس شتويه او جاكيت للاحتياط عمي waleed8818 اشكر لك لطفكم وسعة صدوركم علينا - تحياتي

ياليت لو فيه قائمه للمدن والاماكن اللي تستحق الزياره اقدر اخزنها عندي في النفقيشن اليس هذا افضل ؟؟

اخوي رحتلك ولا اروع بس المشكله من نيويورك الى ميامي او اورلاندو بتاخذ وقت طويل ما اتوقع تقدر بسياره حط في بالك 24 ساعه وفوق طريق بس ممكن تاخذها متقطعه يعني كل يوم 8 ساعات وتوقف بمدينه ,, واشوف تروح الشلالات اول لانها قريبه منك وشوف شيكاقو قريبه منك وبعدين روح ميامي هذي شورتي لك والله يوفقك .

abdullah4 - اشكر لك تعاونك - وافادتك لي - شجعتني حيل - الطريق مو مشكله على كلامك على مراحل الطريق -
لانه فعلا طويل - نتمتع وش ورانا - كل يوم في مدينه - اشكرك -

^
أخوي يعني ناوي تروح من نيويورك إلى أورلآندو بالسياره ؟ إذا كذا ماشاءلله عليك بس يمكن تكون متعبه الرحله عليك الآ إذا تحب تغامر ومايهمك التعب، بس السؤال هل فيه مناطق تستاهل الزياره في الطريق بين نيويورك وفلوريدا عشان تزورها وتشوفها أم لا ؟؟؟
أنا إن شاءلله باخذها طيران من نيويورك إلى أورلآندو إن شاءلله ، والكرف والسفر بالسياره بنخليها في كاليفورنيا ونيفادا بنمسك خطوطها كلها إن شاءلله
وأما بخصوص حجز السياره ، أنصحك ضبط كل حجوازتك من السعوديه أفضل لك و إن شاءلله أنها سهله وعندك المترجم إذا مافهمت شيء ، أنا إن شاءلله قبل ما أمشي أمريكا لآزم أضبط كل الحجوزات من الرياض إن شاءلله والله يسهل، على الآقل تروح وأنت متطمن إن شاءلله أن كل شيء تمام وعلى ما يرام
موفق ،،،،،،،

بورمث - شكر لك والله انها متعبه جدا - والله ان الطيران اريح ما لنا ووجع الراس - وكلامك صح - انا ما ادري وش فيه من مدن تستاهل التعب بين نيويورك واورلاندو - على كذا - الطيران اصرف - بالتوفيق لك اخوي

مسافر مؤدب
تامر امر ياغالي وخذ راحتك بكل اسألتك ,
سعر التذكرة اذا الرجعة من واشنطن بيطلع ارخص لكم ,
من يومين ل 3 ايام على حسب مشيك وتوقفاتك ,
صحيح ممكن شلالات النياقرا واتلانتك ستي وهيرشي ,
بالنسبة لحجز السيارة ايش اللي ما وضحلك ؟
ضروري الجاكيت او السويتر الاجواء متقلبة ,
دمت بخير , ولا تتردد بأي سؤال او استفسار , , ,