منتولا
28-01-2022 - 04:53 am
السلام عليكم ورحمة الله وبركانه
شباب انا احتاج اسافر لبريطانيا قريب وابغى اعرف وش الاوراق اللي لازم تكون معاي ( جميع الاوراق المطلوبة ) , فياليت اي
احد قد سافر قبل كذا ويعرف وش الاجراءات (الفيزا وغيرها) لايبخل علينا بالرد وانشالله مانقصر معاكم بالدعاء في هذي الايام الفضيلة .
طبعا راح اقيم هناك لمدة 4 الى 6 ايام , عمري 20 سنة .
شكرا عالمرور
هلا وغلا الغالي
وحياك الله بين اخوانك وخواتك و ان شاءالله اتفيد وتستفيد
وعيدك مبارك وتقبل الله طاعتك
ماذكرت الغالي انت موظف ولا لا !!
على العموم المطلوب كالتالي :
1- تعريف من البنك بالأنجليزي لك وإذا كنت طالب اتجيب تعريف من البنك للشخص الي راح يتحمل مصاريفك
2- تعبئة الطلب
3- صوره شخصيه وحده بخلفيه بيضا وبدون غتره
4- مبلغ الفيزا وتختلف على حسب المده مابين 400 ريال إلى 1300 اعتقد
5- تعريف من دوامك بانك موظف إذا كنت موظف
6- يحتاجون في الفيزا عنوان الفندق فكل المطلوب منك اتعبي العنوان وهذي اهم نقطه عندهم
واي خدمه احنا تحت امرك الغالي