صدقني حكي مكاتب بس رح الفنادق اللى ذكرت وتحصل حجز من رسيبشن الفندق...هذا اول شي تعمله
بعدين فكر بالمكاتب اللى هناك ....وصراحه استغر بت ماذكرت فندق الماريوت وهو عندي اطلق منهم كلهم
وراح تحصل حجز فيه 100% الفندق كبير يتكون من برجين وشاليهات وراح تنبسط فيه
والفنادق اللى ذكرت حلوة ورائعه بس يغلب فيها الروتين الرسمي فى التعامل عدا الهليتون
فيه واحد اسمه عبدالله برسيبشن الهليتون حاول تحصله ومايقصر معاك ...تراه طلع بحلقه
طاش ماطاش ذا السنه كان السدحان والقصبي بحلقتهم واقفين عنده ههه
ولد طويل ...تحسه اهبل بس هباله هبال طيب ههه وسيب نفسك خالص
امورك ميسرة كلهاان شاء الله... البلد اللى مايتوهق فيها الواحد مصر
وبالتوفيق لك

طمران
بعدي والله اخوي طمران
مشاء الله عليك تجاوبك سريع .. تحياتي لك
انت رايك < ادعس > بكرة وعلى الله
والله ذكرتني بالماريوت .. انا عنه من 5 سنوات اكيد تغير كثير
شكرا على مشاركتك

اخوي كاسبرز
بالنسبة للفنادق الى ذكرت تراها كلها ممتازة
فندق الفورسيزون بس لا يحطونك في غرفة ماهى مطلة على النيل
الفندق كئيب ماتحس فيه حركة بس الغرف والخدمة جيدة
قباله مباشرة القراند حياة موقع ممتاز وكل الغرف تطل على النيل وفيه
ملحق تجارى فيه محلات وسينما بالاضافب الى مطاعم متنوعة ومركب نيلي
وفيه تحت مطعم حلو (فترة العشاء فيه مغني ومغنية ) وفيه كمان القرية النوبية
شيشية وجلسه على النيل ولا اروع ومعطم الهارد روك فاتح 24ساعة بس في الليل يقلب
ديسكو .....
عيب الفندق الروم سيرفس لك عليهم وكل موظفي الفندق تعودوا على البخشيش وبارقام كبيرة
يعني اذا ماحطيت بيد الواحد 50 جينه يجلس يناضرك كذا وكنه يقول هذا الى قدرت عليه
هيلتون رمسيس فندق ممتاز وسعره معقول موقعه جيد وغرفه زينه وفندق حرك( اللوبي حقه دايم
مليان وفيه خيمة في طرف اللوبي اسمها على ما اعتقد البرنده فيها فرقة تغني وراقاصة بعد بعض
الاحيان) وله ملحق تجاري فيه محلات وسينما
الكونراد سمير اميس برضه فنداق ممتازه ونظيفه ماعمرى سكنت فيها لكن حضرت في الكونراد مره مؤتمر وخدمتهم كانت جيدة
ومطاعمهم زينه بعد
الماريوت فندق قديم واثاثه بعد قديم لكن فيه مقهى جيد ومطاعمه جيده لكني مانصح بالسكن فيه خصوصاً انك بنفس السعر تقدر تسكن في فندق احسن منه تراه على خبرك ماهو من خمس سنوات الا من زمن جدتي
احسن شى تتصل على الفندق الى تبي وتاخذ العلم من روسهم في راسك
اتمني لك التوفيق
تحياتي

رح العمرال
ياسلام عليك ابدعت الله يوفقك
بس الاحظ كثير من الشباب يذمون فور سيزون مع العلم بانه ارقى فنادق القاهرة . ومسئلة الهدوء اللي فيه من اكبرمميزات الفندق .. . واذا تبحث عن سعة الصدر والفرفشة ممكن تروح كل يوم وتخصص ساعات معينة سواء تمشية او سهرة باي فندق سواء كان قراند حياة او هيلون رمسيس او ماريوت والعودة للفندق والجلوس في مكان راقي ..
بالنسبة لي . نص متعت السفر السكن المميز
والله العظيم ممكن الغي سفرتي لاي مكان اذا ماحصلت الفندق اللي في بالي . مالي خلق < شحططة > هي اسبوع الى اسبوعين .. خلها ممتعة في كل شي
اما بالنسبة للماريوت
اللي خلاني ما اجيب طارية هو ان الفندق قديم
وشكرا على مشاركتك

ان شاء الله تلقى حجز سواء من هنا او من هناك

تمام مثل ما قال طمران... أنا من واقع تجربتي صادفة مواقف مشابهه لمثل هذا الموقف وهي مشكلة
الحجز أتفاجأ لما أحظر للفندق المطلوب أجد فيه حجز وهذا ما حصل معاي
بفندق جراند حياة بس لا تنسى البخشيش وأنت ماد الجواز
للرسبشن........
الفلوس تلين الحجر وتضبطلك الحجز

تم ترميم الماريوت وتغيير الاثاث

بالنسبه للبخشيش 50 جنيه ؟؟؟؟ ما أظن توصل لهذي الدرجه ممكن الأخ غلطان في الصفر ؟؟؟ كان يقصد 5 جنيه وبالكثير 10 جنيه ؟؟؟؟ ليش عشان سكنا في فندق 5 نجوم يبون يآكلونا مع العلم أن الأجانب يسكنون في نفس الفنادق ال 5 نجوم وما يطلبون من الأجنبي كثر ما يطلبون منا !!!! غريبه ...
أسد علي وفي الحروب نعامه ؟؟؟؟ ههه