الله يا النعيريه
ذكريات لما كنا نخيم هناك .. اسعد ايام حياتي ..
متابعه يا مزون و لا تتأخرين علينا

تحية
كيف الربيع هناك والجو
الحمد الله علي سلامتكم

mzoon
اي والله يامزون انها احلى ايام العمر ..
مهما الواحد يسافر ويشوف بلدان واماكن لكن البر يعتبر من أحلى الرحلات .. كفايه الجمعه الحلوه
وماراح اتأخر ان شاءالله اليوم راح انزل الباقي من التقرير ..
الذيب العربي
,’
متابعين معاك مشرفتنا
,’
هلا والله بالذيب ..
متابعتك شرف لي

مرحبا بكم من جديد
مع اني مالقيت التشجيع اللي كنت اتوقعه منكم لكن امري لله راح انزل الباقي
بالبدايه هذي خريطه تبين الطريق من البحرين الى النعيريه (لاحظو الخط الاحمر) ..

وقطعنا هالمسافه في ساعتين وشوي ..
و الحين اخليكم مع الصور من الطريق الى جسر الملك فهد رحمه الله ..

وتفاجأنا بزحمة مدخل الجسر ..
من قبل التأمين والزحمه مبتديه والسيد واقف في مسارين والمسار الثالث يمشي ببطئ للي ماراح يأمن
ولسوء الحظ ان كنا بالمسار الوسطي وماكان زوجي اصلا يبي يأمن هني ويوم حاول يروح يسار الا يدعم السياره
اللي واقفه قدامه
والحمدلله ماصار شي الا خدش بسيط والرجال طلع متسامح ..

ودخلنا القسم الخاص واول مره اشوف فيه زحمه
وقفنا بالبدايه للتأمين ومن ثم لباقي الاجراءات وتوكلنا على الله ..

الطريق الى النعيريه ..

وصلنا المخيم ولله الحمد وعلى طول نزلنا اغراضنا بالكبينه ..
واخليكم الحين مع بعض من صور المخيم والسموحه يمكن بعض الصور زواياها غلط بس عشان احاسب محد يطلع
بيت الشعر والجلسه فيه روعه .. مع شبت الضو بالليل :58u9x:

أحلى كرك من يد الحريف

صوره لخيمة الشباب و لبعض كباين النوم ..

الخيمه المخصصه للأكل

من داخل الكبينه حقتنا ..

صوره ليله للمخيم :fonlx:

اليوم الثاني فطرنا وطلعنا نتمشى مع الجماعه ..

وبعدها رجعنا تغدينا وارتحنا وطلعنا بالليل للسوق لكن والله ماقدرت اصور شي
اليوم اللي بعده طلعنا عالعصر ورحنا السوق الشعبي وطبعا ماخلينا شي ماشريناه ...

ورجعنا المخيم نلعب بالبانشي
والحين مع بعض صور اليهال وهم يلعبون وطبعا هال4 ايام من نصبح لين نمسي وهم لعبتهم بالرمل

مصدق روحه وصل قمة افريست

وطبعا مافي بر بدون الطياره ...

واستهبال الصغيرات مع مغيب الشمس

ومع انتهاء الاجازه رجعنا للبحرين وكلنا امل نرجع للنعيريه بإجازة الربيع ...
لقطات من طريق العوده واللي اول مره ارجع منه بالليل وماحبيت الدرب لانه مافيه اناره الا فبعض الاماكن ..

ووصلنا البحرين بعد رحله ممتعه

اتمنى اني وفقت بطرحي البسيط لهذا التقرير وانه نال اعجابكم :0mx6s:

موعودموعود
الله يسلمك اخوي
والجو كان معتدل ماهو بارد كثير
عكس العام بنفس الوقت كان صقيع ..

روعه سميتي ...
عجبتني صور البنيات

الله ذكريات يالنعيرية زمان والله أشتقنا للطلعات الله يجيب الامطار والربيع اللي يشجع للتخيم
حلو الواحد كذا يجلس 4 ايام بالمخيم يغير جو والمخيم شكلة متكامل ونظيف
الله يعطيج العافية على التقرير وان شاء الله تعيدونها بإجازة الربيع ..

مرحب مزون البحرين اً
رحله البر جميله جداً والتنظيم ممتاز والمخيم خلاب
لكم الشكر والتقدير على أشراكنا في أحداث رحلتكم