نشر في فرنسا

اجواء سبتمبر

NOUF a

01-01-2022 - 07:40 am

صباحكم /مساءكم سعاده ورضا من الرحمن اعضاء المنتدى الرائع بدخل ف الموضوع ع طول انا لي سفره في نهاية سبتمبر وكم من يوم من اكتوبر واخترت فرنسا وسويسرا بس استفساري كيف بيكون الجو بارد والا برد نتحمله يعني جكيت ويمشي الحال يعني بالعربي راح استانس والا الجو مايساعد وبيكون فيه خضار والا خريف اتمنى مروركم ياخبراء اوروبا رايكم يهمني مره

التعليقات (9)

NOUF a

01-01-2022 - 10:37 am

مازلت في انتظار خبراء فرنسا تكفون ابي شوركم

فيصل

01-01-2022 - 11:38 am

خريف بس ما تدرين عن موجه البرد اذا زي العام جاكيت وتمشى الامور

NOUF a

01-01-2022 - 12:39 pm

هلابك اخوي فيصل اول شي اشكرك ع المرور بس انت وش تشوف ان الوقت مناسب للسفر لانها اول زياره بتكون لي لاوروبا وابغى استانس وبصراحه ماعندنا فرصه الا بهالوقت يعني البرد بتحمله بس بعد المناظر والخضار يهمني مره ثانيه شاكره ومقدره مرورك اخوي

فيصل

01-01-2022 - 01:40 pm

والله عاد يا اختي اذا انتم ملزومين بوقت معين وتبون اوربا
سويسرا بتكون طبعا ابرد بكثير من فرنسا
طبعا نيس وكان اشوا
شوفي اللي رايح وحاط براسه ينبسط بينبسط بيلقي العاب ثلجيه ويلقي اللي يبي

NOUF a

01-01-2022 - 02:41 pm

مشكور اخوي فيصل الله يعينك ع اسألتي اللي ماتخلص بس رايك يهمني ناوين نروح باريس اربعه ايام وبعدها تكون بين زيورخ وانترلاكن وجنيف وفيينا وش رأيك ينفع كذا والا نخليها ع دوله وحده يكون احسن

فيصل

01-01-2022 - 03:42 pm

المده كم يوم السفره

NOUF a

01-01-2022 - 04:43 pm

18 يوم تقريبا وعددنا 2

فيصل

01-01-2022 - 05:44 pm

تبين الصدق لو عندي 18 يوم اصك لي تاشيره بريطانيه اولا وعلي بريطانيا والعوده من ايطاليا او جنيف
من بريطانيا الي باريس بالقطار او بالطيران الاقتصادي ايزي جيت
واتمشي اذا انا بتججه سويسرا يكون خط سيري باريس انسي ديفون شاموني جنيف انترلاكن واسلم السياره بالجانب الفرنسي من مطار جنيف
او اطلع باريس نيس وكان ثم ميلانو بايطاليا اذا اخترت العوده ايطاليا

خلود21

01-01-2022 - 06:45 pm

اوفقك بالراي ايطاليا وفرنسا وبريطانيا ب ستمبر الاجواء بتكون خريفيه ممتازه ..
اما سويسرا بتكون ابرد منهم كلهم الا اذا كانت سياحيه شتويه على قولتهم ..
صح ماقد زرت الا بريطانيا بس من التقارير والطبيعه الجغرافيه الواحد يقدر يحدد

فرنسا المسافرون العرب

اجواء سبتمبر