- اجنحة بودل الفندقية رقم 2- صور من الجوال
- السلام عليكم ورحمة الله وبركاته مرحبا باعضاء منتدى العرب المسافرون
اجنحة بودل الفندقية رقم 2- صور من الجوال
السلام عليكم ورحمة الله وبركاته مرحبا باعضاء منتدى العرب المسافرون
حبيت احط لكم صور بودل (2) يوم رحنا الكويت في اليوم الوطني حق السعودية ..... المهم ان حنا مشينا من السعودية ولا حاطين في بالنا ان بنسكن في بودل طبعا حنا مكلمين مارينا وقالنا تعالوا في سكن طبعا حنا مامشينا الايوم قالنا تعالوا وبعدين المسافة مو هينه 5 ساعات
طبعا وصلنا الكويت وقال المارينا مالكم حجز فقلنا خلينا نجرب بودل رحنا للبرج الاول قال مافي كل زحمة وب55 دينار قال روحو البرج الثاني يمكن تلقون
المهم يوم رحنا قال70 دينار:016: طبعا ابوي يعرف اللي في الرسبشن وقاله اخر شي 60 دينار قلنا يلا اهم شي انه زين ومريح طبعا حنا مفكرين ان النظام زي اول حق الغرف
الا طلع احلى من الاول بكثير
طبعاً في كل دور مافي الاجناح واحد بس احنا كنا في الدور 11 وكان اسم الجناح الفيروز والجناح اللي تحتنا اسمه السندس وكذا
المهم الجناح يتكون من غرفتين و3 حمامات وصاله كبيرة وطاولة طعام كبيرة ومطبخ وغرفه صغيرة للشغالة.
نجي الحين للصور:نبتدي بأسم الله وهذا باب الجناح: 
وبعد كذا لما ندخل تجينا صالة كبيرة وعاليمين طاولة الطعام
وهذي صورة الصالة مع مكتبة التلفزيون اعجبتني لان التلفزيون البلازما لونه خشب وفيها زي المكتب الصغير بيكون يمين المكتبة :
وهذي المكتبة: وعلى فكرة في بعد دي في دي ومضخمات الصوت معلقة عالجدار وراء الكنب يعني الصوت يجنن
نجي بعدين لطاولة نص دائرية صغيرة تطل على المطبخ اعجبتني الفكرة وتفضلوا الصورة:
وهذي طاولة الطعام من بعيد: 
وهذي من قريب: 
عجبني شكل الصحن وصورته: 
وهذا صورة الانترية: 
عجبني لون الجدار والمناظر اللي معّلقة فيه قلت خليني اصوره: 
نجي لغرف النوم - طبعا في الغرفة الرئيسية فيها تلفزيون وحمام الله يعزكم وسرير نفرين بس للأسف ما قدرت اصورها لان اهلي كانوا نايمين بس لاتخافون صورت الغرفة الثانية بس ام سريرين مفرد :
وفي النهاية نجي الحين للمطبخ طبعا متكامل فيه الثلاجة والمايكرويف والغسالة والفرن وادوات المطبخ:
في الختام اتمنى ان الصور اعجبتكم وسامحوني عالتصوير لانه من جوال (المدمر) وترا في الطبيعة احلى من كذا وتحس كأنك قاعد في بيتك:: واذا كنتو متذكرين وشفتوا مسلسل صاحبة الامتياز كان غانم الصالح مصور فيها...تحياتي بنت الحسا
