Noosha84
18-06-2022 - 01:56 pm
السلام عليكم
انا من فتره افكر اطلع فيزا بس على كلام الناس توقعت ان الموضوع صعب جدآ ويطول؟!!
لحد ماقررت اخيرآ اني اسوي الفيزا بنفسي بدون اي مساعده والحمدلله كان الموضوع سهالات
والاجراءات كانت كالتالي:
يوم 1811 2008
عبيت الapplication وطبعته وطلعت الbarcode
ودشيت السايت وحددت الموعد (ملحوظه: انا اخترت اليوم والوقت)19112008 الثامنه صباحآ
وبعد ماخلصت رحت بنفس اليوم صورت حقهم ودفعت 40 دينار بالضبط عند بنك برقان
المهم يوم الموعد :
عند الحارس مال البوابه طلع اسمي عندهم
وطلب الوصل مال البنك +نموذج الابليكيشن+صورة جواز السفر وبس
بعدها دخلت مبنى صغير داخل السفاره خذيت رقم ونطرت مدة عشر دقايق لأن ماكو زحمه
المهم الموظفه لبنانيه (كاونتر طبعآ وليس مكتب خاص )
شافت الابليكيشن وشافت المعلومات اللي فيه
ولأني مو كاتبه وين بقعد هناك
سألتني فقلت لها لمن احجز عن طريق السفريات راح اقرر(ملحوظه : المعلومات بالابليكيشن وين اسكن هناك وشكثر اقعد ومع منو رايحه كله تركتها فاضيه)
ولا سألتني اي شي
بعدها خذت الاوراق وقالتلي انطر ليمن ينادون رقمي مره ثانيه
بعدها بعشر دقايق او اكثر شوي طلع رقمي عالشاشه
كاونتر ثاني وموظفه امريكيه تتكلم عربي
طلبت احط ايدي عالجهاز مال البصمه وبصمتني كلتا اليدين(ههه فصحى)
المهم وعطتني رقم قالتلي جوازج تستلمينه عند الdhl
المهم طلعت بره
ورحت dhl خارج مبنى السفاره
دفعت لهم خمس دنانير عشان يوصلون لي الجواز
وبعدها بيومين فقط وصلني الجواز وفيه فيزة امريكا مدة عشر سنوات
(ملحوظه اخرى:في ناس عند الdhl عشان اساميهم فيها علي ومحمد واحمد مطوله اجراءاتهم شوي حسب كلام موظف dhl
خذا منهم سبع دنانير عشاان يروحون ياخذون الجواز منهم لمن تطلب السفاره
وسلامتكم
طيب سؤال انا حابة اقدم على الفيزا هاليومين ومن ضمن الطلبات طالبين
شهادة لمن يهمه الامر من جهة عملي الموجود فيها بيانتي وين اشتغل وتاريخ التعيين والراتب الخ
السؤال الحين جهة عملي يصدرون الشهاده فقط باللغه العربيه
واتوقع السفارة تبيها مترجمه بالانجليزي صح؟
ابي مكاتب ترجمة معتمدة في الكويت اترجمها لي اذا تعرفين اختي؟
وشاكرتلك جزيل الشكر