1. @ تقسيم 12 يوم = 4ايام شنجماي و 4ايام بتايا و4 بانجكوك


2. الرحله كالاتي:


3. @@@ رحله الى جزيره كوسميت @@@

بصراحه قضيت 12 يوم كانو من اجمل ايام حياتي ولكم التقرير ....... (لاتضحكون مااعرف اكتب تقرير بس هو ملخص الرحله )

@ تقسيم 12 يوم = 4ايام شنجماي و 4ايام بتايا و4 بانجكوك

غادرنا مطار مسقط الدولي 11/11 في تمام الساعه 12:30 تقريبا والحمدلله الرحله كانت خاليه من المطبات الهوائيه وكان الوصول الساعه 9:30 صباحا لمطار بانكوك الدولي ولانتظار حتى الساعه 12:00 للاقلاع الى شنجماي ......
$$$احب احذر المسافرين بصفه عامه تزداد اسعار التذاكر باالنسبه للرحلات الداخليه في كل من يومي السبت والاحد واسعار التذاكر بصفه عامه مرتفعه في بانجكوك .....
قمنا بحجز التذاكر عن طريق AIR ASIA لانها ارخص لانها لاتقدم وجبه الطعام اثناء الرحله ...
الاقلاع من مطار بانجكوك والتوجه الى تشنجماي ولاقامه 4 ايام في فندق Daimond river Hotel اذا مااخطات الاسم بصراحه مانصح حد يقد فيه لانه اوسخ فندق شفته في حياتي ولان مافي اي فنق ثاني كله مليان ومزدحم باالناس لانه الهاي سيسن عندهم ......
بعد الاستراحه طلعنا علشان نتمشى ويمسكنا صاحب المكتب السياحي التابع للفندق ويقنعنا عشان نحجز من عنده للرحلات بحجه انه كل المكاتب السياحيه تقفل بدري وققررنا نحجز من عنده لانه مالنا حل ثاني وياريتنا ماخذينا دبل السعر عدل واثناء اللف والدوران في النايت بزار لقينا مكتب سياحي ورحنا نسال عن الرحله وكاد تجينا صدمه لما سمعنا السعر
@النايت ماركت عباره عن سوق ليلي يفتح كل يوم من الساعه السادسه الى منتصف الليل ويمكنكم شراء ماتريدون لان الاسعار مناسبه

الرحله كالاتي:

1) ... الاصطحاب من الفندق الساعه الثامنه والذهاب الى حديقه الفراشات وحديقه الفيله ويتضمن = روكوب الفيله وروكوب عربه تجرها الثيران ومن ثم روكوب البامبو وهو عباره عن اعواد من الخيزران على شكل قارب طافي على الماء, بصراحه هذي كانت احلى مافي الرحله مروم القارب بين الاشجار وسماع خرير الماء مع تغاريد العصافير الذي يصفي الذهن
بقول لكم الخيبه اللي صارت لنا اثنا روكوب الفيله حضرت جنابه مب راضي يروح الطريق اللي الكل يمشي فيه وقعد صاحبه يحاول فيه ويشده من اذنه ولا فاد معه مصمم اللي فراسه وبدا يسرع في المشي تقول حد يراكضه وبصراحه خفت وقلت لزوجي يقوله يرجعنا المصيبه الكبرى انه صاحب الفيل مايعرف انجليزي وهني بدات ارتعش والفيل يراكض وقف عند امراه تبيع الموز والحمد لله طلعت الحرمه تعرف انجليزي وقلنالها تقول لصاحب الفيل يرجعنا والله لما نزلت من ظهر الفيل حسيت كل جسمي تكسر ......
وشارو علينا نركب عربه الثيران وقلنا يالله الثور مايخرع مثل الفيل خلونا نجرب العربه الله يسلمكم العربه تمر بين الاشجاروالثيران شد بين اليمين واليسار الكل يبي صوبه علشان ياكل الاشجار اللي على ممر الطريق :112: واخيرا عصبت:112: الثيران تبي تاكل وصاحبهم يسحبهم علشان يبطلون اكل واخيرا قلنا لصاحبهم يخليهم فتره استراحه عشان ياكلون ....... وبعد خمس دقايق قرر صاحبنا بان نبدا رحله العوده والطامه الكبرى الثيران مب راضيه تروح تبي تاكل وضطر صاحبنا بطلب المساعده وجر الثيران الى مقرهم الرئسي وبصراحه كنت ميته من الضحك....... شر البليه مايضحك
وبعد هذا العناء وجبه الغدا مع انه مب لهناك بس ياالله تسد الجوع بعدها رحله البامبو والذهاب الى مصنع المظلات وزياره محل للحجاره الثمينه والعوده للفندق....
2).... في اليوم الثالث رحله الى الشلالات واعلى قمه في شنجماي وكانت شديده البروده وروكوب 300 درج لزياره قبر الملك والملكه والرجوع الى الفندق.
في اليوم الرابع مغادره شنجماي والذهاب الى بتايا....

@@@ رحله الى جزيره كوسميت @@@

هي الجزيره مو لهناك بس احنا استمتعنا لكن ماانصح بها لان مابها شي غير البحر والتمشى حول الجزيره اما بالقارب او باالدراجات.....
بعد اربعه ايام الذهاب الى بانكوك وزياره Sunday Market بصراحه اذا قدرتوا تروحوا يكون احسن لان الاسعار تهبل والاشياء حلوه والسعر ارخص من اللي في مراكز التسوق .. السوق هذا يفتح كل يوم احد من الساعه التاسعه الى الخامسه عصرا ..
@ من ضمن الاماكن اللي رحتها Floating Market السوق العائم وروكوب قارب جيمس بوند بصراحه السوق تغير بالاول كانوا بس يبيعون الفواكه اما الحين مافي شي ماينباع والاسعار نار ماانصح تشتروا شي الا اذا كنتوا تعرفو تكاسرو في السعر وشرط تعرفو الاسعار كيف هي خارج هذا السوق
@ تسوق في كل من Pratonam Moal .. paragon moal... MBK center ...بصراحه اشجع MBK لان السعار تهبل وذا عرفتو تكاسرو باالسعر تربحوا اكثر .....
هذا كل اللي قدرت اتذكروه واتمنى انكم تستفيدوا