أختي صحيح كلام الموظف ايطاليا أغلبها تعطل في شهر اغسطس اذا أنت رايحه تتسوقين بس أما أذا سياحه حلوه ..انا كنت في أيطاليا قبل سنتين ورحت في هالشهر والله ماتصدقين مره انقهرت كل شي مسكر ..بس بتلاقين في روما بعض المحلات وفي فنيسيا قليل بس ميلان أغلبها مقفل وشهر أغسطس بالنسبه لإيطاليا شهر ميت ... فحنا يوم شفنا الدعوى كذا رحت على طول لجنيف والحمدلله تقضيت وانا مرتاحه.... المهم بقولك إيطاليا تجنن وتعتبر مركز تسوق رهيب وأنصحك اذا بتروحين لها روحي لها في نهاية أغسطس وبداية سبتمبر..يعني من 28 /8 ... هذا الوقت مره حايفيدك ..... أرجو اني أفدتك تحياتي

المشكله اني قصيت التذاكر خلاص وماعند زوجي فرصة اجازة ابدا غير هالوقت بموت من القهر انا بكون في ميلان يوم 5 اغسطس ان شاء الله

طيب خلاص روحي هناك بتلاقين كم محل فاتح بس مو اللي تفكرين انه واو ... يمكن يكون حظك حلو وتلحقين على شي ...... وبعدين سوي مثلي رحنا لجنيف بالسياره والطريق يجنن وممتع ولا يبيلها فيزا ولا شي هي نفس الفيزا وتسوقي من هناك والله حلو التسوق بسويسرا والأسعار هي هي بس يمكن تفرق شوي اغلى .... على العموم اوروبا كلها غاليه بس يالله وين نروح .....تروحين وتجين بالسلامه

تسلمين ياقلبي حياة
اصلا انا ماراح اجلس بايطاليا الا سته ايام وبعدها بروح النمسا بس انا خايفه اندم على الايام هذي اللي بضيعها من اجازتي عالفاضي؟؟؟؟؟؟؟؟

تصدقين عاد ماراح تندمي لأن إيطاليا مره حلوة احلى مليون مره من النمسا طيب روحي لريمني ورتشوني تراها مره حلوة ورايقه وتوسع الصدر ......التسوق في النمسا مو ذاك الزود فيها اسواق بس لاتقارنينها بإيطاليا بلد الموضه ..... بس طبيعه خيال والجو بارد خذي معك شوي ثقيل .................رحله سعيده ان شاء الله ....‘ذا سافرت ومعك لابتوب .....أرسلي لي على الإيميل وش انطباعك....اتمنى أني وضحت لك الصورة...............تحياتي

حياة رحتي انت للنمسا من قبل؟؟؟؟؟؟؟؟
عطيني انطباعك عنها اذاممكن يالغاليه وبالنسبه لايطاليا اللي يقفل فقط الاسواق او حتى المطاعم والمقاهي معليش تعبتك معاي وبعد سمعت انه مو كل الاسواق تقفل بعضها وبعضها لا صح الكلام او غلط؟؟؟

اكيدان شاء الله اذا اخذت اللاب توب اعطيك كل اخباري وانطباعاتي اما اذا مااخذته متى ما رجعت ان شاء الله انزل تقرير عن الرحله

لا تعبتيني ولا حاجة .... بالعكس فرصه سعيده ............ شوفي حبيبتي إيطاليا مره حلوه بالنسبه لي أنا وأولادي أنبسطنا فيها مره المطاعم ماتسكر بالعكس موسمهم بس الأسواق أكثرها مسكرةبس محلات قليل اللي عند الدومو تكون فاتحه أن شاء الله بتلقين شي بس وش تسوين ..... واكثرها مخفض وتلاقين اللي مقفلين حاطين لوحة أنهم في إجازه وحاطين تاريخ متى يفتحون .......بس مره ثانيه خططي لها في غير أغسطس ...لأن التسوق في إيطاليا متعه.....النمسا حلوة وطبيعه وجو رهيب ...... بس انا ماحبيتها ماأدري لأني أحب الأسواق ....لآن أسواقها مو ذيك الدرجه ....بس أوتيلاتها حلوة وفخمه .....والمواصلات سهلة أذا استخدمت المترو تعرفينها على طول ترى المترو رهيب ونظيف ومنظم أحسن من باريس وإيطاليا ورخيص .......عندهم ساحه تشبه الدومو أسمها ستيفن بلس حلوة كلها محلات حلوة ومطاعم وعندهم أماكن رهيبه أذا تمشيت فيها بالسيارة..... هذا المكان اللي تسوقت منه .........أنا أتكلملك عن فينا لأن جلست فيها مده أطول أما الأماكن الثانيه رحت لها على السريع .....والله المدينه حلوة و‘ن شاء الله تنبسطين فيها .......يمكن اللي مخليني ماأحبها مره عشان الشعب كله كبار السن أكثر من الشباب ترى هذا رايي يمكن انت تعجبك أكثر مني ................. ارجو اني افدتك ......................تحياتي ................حياة