هلا والله اختي والله يحييك
ياليت تأخذين لفه على البوابه وتأخذين فكره اول وتحددين لنا ايش الي يهمك بالضبط في المدن الي تبينها
وان شاء الله اننا نقدر نفيدك

*ايطاليه*
اهلين حبيبتي ايطالية انا لي 4ايام وانا ادور في البوابة و اكثر المدن اللي حبيتها روما وفينيسيا وميلانو وفلورانس وبيزا و جزيرة كابري وبورانو وبحيرة قاردا بس اني ماأدري كم عدد الايام اللي نقعد فيها مثلا في روما او فينيسا ووين اول مدينة نروح لها واذا كان عندكم اقتراحات لمدن ثانية ياريت تشاركوني فيها
شاكرة لك اختي ايطالية تفاعلك معي (ترى من جد محتاجة لكم

اهلين حبيبتي ايطالية
انا صار لي اسبوع وانا الف على البوابة واكثر المدن اعجبتني فينيسيا_ فلورانس_ روما_كومو_بحيرة قاردا_ جزيرة كابري _بيزا_سيرموني_ ميلانو
بس ماأعرف اذا كانت اسبوعين كثيرة على هذي المدن وايش اول مدينة نروح لها اقصد يعني كيف بتكون رحلتي يعني احسن شي واذا كان كان عندك اقتراحات ياريت تشاركيني فيها
شاكرة لك تفاعلك معي

كل هذولي ماشاء الله انا شهادتي مجروحه ولا اوقولك كل ايطاليا حلوه
عندك بعد ريميني وريتشوني اذا انت رايحه في وقت صيف لاتفوتينها
ممكن اعرف اختي ساره كم مده الرحله والوصول الى اي مدينه والعوده من وين ؟ عشان اقدر افيدك وابشري

اختي سارة رايح نساعدك بأذن الله
حطي في بطنك بطيخ صيفي ولا تشيلي هم
لكن اولا كم عددكم , صغار كبار سن شباب ذكور اناث , ويش الاماكن الي تفضليها , كم ميزانيتكم , التنقل سيارة والى قطار
وبعدها ابشري بلي يرضيكي

مشكورة اختي ايطالية
مدة الرحلة أسبوعين ان شاء اللة للحين ماحجزنا بس يمكن روما محطة الوصول والعودة واللة ماادري للحين ماقررننا ماتقصرين ياقلبي
اهليين اخوي ايطالي مسافر مشكور واللة ماتقصر
احنا عددنا شخصين الاماكن اللي افضلها واللة اذا كنت مسافرة احب اشوف كل شي بس اكثر شي افضلة الحدائق والساحات مثلا زي البيكاديلي في لندن والمتاحف المشهورة والبحر يعني ركوب القوارب والسفن اي شي في البحر احبة والتسوق اكيد ميزانيتنا 35 الف يعني الفنادق اربع نجوم
والتنقل ان شاء اللة سيارة
مشكورين

نسيت اقولك اختي ايطالية ان مو كل هذولا المدن نروح لها انا ابغى نصيحتكم بالمدن الاحسن من بينهم مع رميني وريتشوني بقولك اني راحة قبل الصيفية باسبوع او اثنين
اسفة على التاخير

1. اوكي اختي سارة بديك جدول اذا اعجبك كان بها ما اعجبك غيرته لك


2. بسم الله نبداء :-


3. وقلبيه وادخلي على صوره ودوني كل شي في مذكراتك


4. تأكدي من الفندق الى بتحجزيه بيكون على البيتش "البحر".


5. يكفيها يومين الى ثلاث . ولازم تزوري القرى الى بجانبها.

اوكي اختي سارة بديك جدول اذا اعجبك كان بها ما اعجبك غيرته لك

بسم الله نبداء :-

• روما اربع ايام تكفيها ... يوم واحد من هذه الايام قومي انت والي معاكي ورحوا من الصباح لزيارة تيفولي الى تبعد عن روما ساعه ونص بالباص وهي عباره عن قصور زرت قصرين منهم وهي فيلا ادريانا وهذه الفيلا بناها امبراطور كان يحب زوجته موت وكان عندها حاله نفسيه فأقسم انه يبنيلها جنه سيتحدث عنه العالم وتخيلي مرت قرون كثيره والناس مازالوا يتحدثون بها من جمال حدائقها المعلقه وكهوفها البارده ونوافيرها الى تجتاز الاف بأشكالها وانواعها المختلفه اما الفيلا الثانيه فهي فيلا اديستا وهذا كان امبراكور ظالم فبنى له قصر حتى يتوه الجنود الذين يريدون قتله تخيلي ونحن في هذا القصر ومعانا الخرائط وكل شي وبرضوه توهنا....اما في روما فالايام الباقيه تمشي في ساحاتها واماكنها الاثريه الجميله ومتحف الفاتيكان وملخص روما عبر هالرابط http://www.commercialbridge.com/Tour000.htm

وقلبيه وادخلي على صوره ودوني كل شي في مذكراتك

2- ريميني وريتشوني هذه مدينتين ساحلتين على البحر الادريتاكي في شرق ايطاليا وهما صغيرتان وبجانب بعض خذي الفندق في ريميني والمطاعم في ريتشوني واستمتعي بأجوائها وبحرها الخلاب ويوجد حفلات يوميا على البحر والالعاب رياضيه وغير ذلك يكفيها من يومين الى ثلاث ايام زوري هذا الرابط الى فيها صور عن ريميني https://artravelers.com

تأكدي من الفندق الى بتحجزيه بيكون على البيتش "البحر".

3- فينيسا مدينة الحب والرومانسيه يكفيها يومين يوم لأكتشاف المدينه ويوم لزيارة مصنع الزجاج واسكني بالقرب من ساحة سان ماركو.
4- سرميويني هذه المنطقه اشبه بالخيال بالقرب منها مدينتي موفي لاند وجراند لاند وهذه الاولى مدينة الافلام وبتشاركي انتي والسياح في صناعة الافلام بشكل خيالي ورايح تقابلي مشاهير الشخصيات الهوليوديه اما الاخرى فهي مدينه الالعاب كبيره جدا ورائعه وانصحكي جدا بقرأة وكتابة كل شي في موضوع الاخت سوار على هذا الرابط https://artravelers.com
لازم تقريه لازم وسرميوني يكفيها اربع ايام .
5- كومو مدينه هادئه جدا ورائعه وساحره بجمال الطبيعه بها اقرئي موضوع الاخت السيدة درجة اولى على هذا الرابط للأستفاده https://artravelers.com

يكفيها يومين الى ثلاث . ولازم تزوري القرى الى بجانبها.

واهم من هذا وهذا اقرائ موضوع الاخت سوار وموضوع الاخت السيدة درجة اولى حتى تستفيدي وين بتروحي ووين بتجي وهم ما شاء الله وضحوا كل شي.
بهذه الرحله فقد جمعت رغبات عدة فروما ميزتها في زحامها وساحاتها وآثارها القديمه جدا والقديمه وكانك في عصر الرومان ومقاهيها وبالاخص "تي روما" بجانب الاسبنش استيبس كلي هناك التشيز كيك والكباتشينو شي خيالي .
وريميني وريتشوني فهي مدن ليله وسمرات وبحر عال العال
وفينيسيا الحب والروقان وسرميوني الالعاب والوناسه وكومو الطبيعه والهدوء
اما السكن فروما اطلبي ان يكون السكن بالقرب من الاسبنش استيبس في فينيسيا يكون بجانب ساحة سان ماركو في ريميني على البحر في سرميوني في شاليهاتها وبتلاقينها ب90 يورو في كومو بالقرب من البحيره
اما عن التكاسي نصيحه لا تستخدميها فاسعارهم نار اما الباص او المترو فهي مجانا.
اما بالنسبه للفنداق فنا قد سكنت في فنادق اربع نجوم
الى في فينيسيا واسمه الكونكورد انصحك فيه
وغير كذا انتظر استفساراتك

واللة ما أدري شقولك أخوي ايطاي مسافر بصراحة كفيت ووفيت وما قصرت
بالنسبة عن الجدول أنا بسأل زوجي وأرد عليك
مشكور