رحلتي الى لندن 7 نوفمبر ان شاء الله والمشكله اني وحيد في الرحله وعندي هذه الاسئله
1- فكرت اسكن عند عائله لمدة 10 ايام اشرح لي وعندي ناس اقدر اتخاطب معهم ويعلموني ويدلوني خاصه
ان لغتي الانجليزيه ماهي ممتازه لكنها مش بطاله ابدا وجيده . رائكم يهمني .
2- الامر الاخر هل اقدر اخذ معي واحد يصورني في اي رحله اروح لها عشان حرام اروح ولا اصور نفسي في
الاماكن المميزه .

استغربت من الشق الثاني
بتاخذ وياك شخص خاص بس يصورك برحلتك؟
ههه و انت باي مكان تبي تصور اي احد حولك عطه الكاميرا و اطلب منه يصورك الكل بيرحب و يضحك و يصورك ! ماله داعي تاخذ وياك شخص خاص يصورك بس
احس 10 ايام مده قصيره جدا انك تسكن عند عائله .. يعني الشي ماراح يكون ذو فايده لك ب 10 ايام بس .. السكن عند عايله غالبا يكون لتحسين اللغه و عشان جو عائلي للي يدرسون و غيره .. انت رايح سياحه و الفتره قصيره للتعلم للغه .. فندق افضل لك

السكن عند عائلة غالباً يكون عن طريق معهد اللغة
وتكون المدة اطول من المدة اللي بتروح فيها
وان شاء الله الاخوان يفيدونك اكثر

^^
يسلم راسك
طيب هل عندك خبره حول حضور المباريات !؟ انا اشتريت تذكره من موقع الاتحاد الانجليزي لحضور مباراة
اسبانيا وانجلترا وارسلوا لي ايميل في رقم الطلب ومكان الجلوس وكل شي وقالوا لي اطبع الورقه
وتعال خذ التذكره وهذه خدمة التوصيل
Delivery method: Match Day Collection (Overseas Supporters Only)
ومافهمت معناها

يعني بس تطبع الورقه و هناك يوم المبارات تاخذ تذكرتك
لانك حاجز من خارج لندن
امورك تمام ان شاء الله

السلام عليكم ورحمه الله وبركاته
يارب وفق القائمين على هذا المنتدى والاعضاء المتساعدين مع الناس فقال الرسول عليه السلام ( خير الناس انفعهم للناس ) ..
طلبي هو اريد ان ارتب رحلتي الى لندن والتي ستكون الاولى واريد ان استغلها خير استغلال ورحلتي ستكون في
6 نوفمبر والرجوع في 18 نوفمبر .
علما اني في تاريخ 12 نوفمبر اريد حضور مباراة اسبانيا وانجلترا في ملعب ويمبلي ولقد اشتريت التذكره
واريد ان اسافر الى استكلندا ابضا ..
فياليت جدول مميز استفيد منه و اسال الله ان لا يحرمكم الاجر

و عليكم السلام
انصحك اول شي تطلع علي تقارير الاعضاء و جداول المشرفين
و تختار اللي يناسبك .
كل واحد ميوله و جدوله و مزاجه مختلف . صعب الواحد يحط لك جدول انت المفروض اللي تسوي جدولك
اطلع علي جدول المشرفين القطري و موادع . حاطين جداول 7 ايام و جدول 14 يوم في لندن
و اختار الاشياء اللي تناسبك و حطها في جدولك
اطلع علي تقريري اللي بالتوقيع و اختار اللي يناسبك و ضيفه للجدول
و عقب ممكن تطرح اسئله اذا عندك ان شاء الله
بالمنسبه لاسكوتنلدنا ممكن تروح عغ ايام
بس بيكون ترا البرد شديد . و سفرتك كلها 12 يوم تقريبا ليش تضيع منها 4 ايام في اسكوتنلدا و انت اول مره تشوف لندن؟
ركز علي لندن و رحلات لمناطق حوالين لندن؟

^^
اقسم بالله موضوعك ( موسوعتي اللندنيه الخاصه ) خرافي بكل ماتحمله الكلمه ولي طلب ودي تنسخين ردودك وتضعينها في موضوع واحد بدون ردود الاعضاء حتى يكون متتابع ومثبت للابد لانه حرام هذه المواضيع ينخلط فيها الحابل بالنابل وانا متحمس اكمله ويبيلي يومين امخمخ عليه واقراه مرتين وبعدها ابطرح اسئلتي اذا فيه واشكرك من قلبي
ودعوه خالصه من القلب
(يارب سهل امرها ويسره واكتب لها الخير وارضها به وبارك لها في امورها كلها وفقها ل دنياها واخرتها )

امين وياك يارب
انا مجمعه الاجزاء هني

ما عدا الجزء الاخير مال مانشستر ان شاء الله الليله اضيف مال ليدز و احطهم مع الروابط المجمعه