1. ابو رنيم


2. فينا 3 أيآم زيلآمسي 4 أيآم ميونخ 3


3. ورآح تكون على النحو التآلي

ابو رنيم

انا مشترك جديد لديكم وبصراحه لمن دخلت عالموقع اعجبتني تجاربكم واستفسارات البعض وردكم عليها بكل صدق وامانه وانا بصراحه عندي مجموعة استفسارات وحبيت انكم تساعدوني وتردون عليها من خلال تجاربكم ولكم جزيل الشكر
اولا ياليت تعملولي برنامج سياحي للنمسا ويش هي افضل المناطق فيها لمدة عشر ايام انا وزوجتي مع العلم اني رايح في شهر شعبان والميزانيه محدوده تقربيا 15 الف ريال وما تفرق عندي فنادق او شقق مفروشه المهم انها كويسه ورخيصه وامنه
ثانيا تنصحوني على اي خطوط طيران اسافر لانه بصراحه الخطوط السعوديه مره غاليه
ثالثا تنصحوني استأجر سياره هناك واذا لازم بكم يكون استئجارها واش هي الخطوات اللي لازم اعملها قبل مااستاجر السياره, ومشكورين
أولآ الله يحيك بهذا المنتدى
والله يوفقكم أن شاء الله برحلتكم
اولا ياليت تعملولي برنامج سياحي للنمسا ويش هي افضل المناطق فيها لمدة عشر ايام انا وزوجتي
بعلمك طريقه طلعت عليهآ مره حلوه

فينا 3 أيآم زيلآمسي 4 أيآم ميونخ 3

ورآح تكون على النحو التآلي

من الرياض لمصر ترآنزيت على فينآ وبتجلس ثلآث أيآم ويكون تنقلآتك على الآندر قرآوند سهل ومسلي بفس الوقت وبعدهآ بتطلع بالقطآر على سآلزبورغ وبتآخذ التآكسي يوديك لمدينه المآنية أسمهآ فريسلآنق وتستآجر السيآره منهآ على شآن مآ يآخذون عليك ضريبه عند التسليم وتتجه لزيلآمسي تجلس فيهآ أربع أيآم وبعدهآ بالسيآره تتجه لميونخ وتجلس ثلآث أيآم ويكون التسليم للسيآره بمطآر ميونخ ..!
مع العلم اني رايح في شهر شعبان والميزانيه محدوده تقربيا 15 الف ريال وما تفرق عندي فنادق او شقق مفروشه المهم انها كويسه ورخيصه وامنه
5الف أذا هي ميزآنيه لرحله كآمله مآ أتوقع أنهآ تكفيك أرفعهآ شوي خلهآ تآصل ال23 الف على الآقل
وحآول أنك تآخذ الآكل مع من السعودية على شآن تقتصد على نفسك
ثانيا تنصحوني على اي خطوط طيران اسافر لانه بصراحه الخطوط السعوديه مره غاليه
الخطوط المصريه بس أحجز من الآن على شآن تطلع لك رخيصه
أنا حجزت قبل السفر بثلآث أشهر وطلعت علي ب 5000 ريآل
وهي على كذآ :
حائل الرياض .. الرياض مصر .. مصر فينآ ... ميونخ مصر .. مصر الريآض .. الرياض حائل
وأذا أنت بالرياض بيطيح منهآ ال800 ريال الداخليه بتطلع عليك حوآلي ال 4200 ريال
ثالثا تنصحوني استأجر سياره هناك واذا لازم بكم يكون استئجارها واش هي الخطوات اللي لازم اعملها قبل مااستاجر السياره,يت
أنصحك وبقوة بعد لآن التجول بالسيآره مره فله وروعه بنفس الوقت تروح للمنآطق الريفية وتتمشى على كيفك وتآقف متى مآ بغيت وتروح متى مآ بغيت ...!
الخطوه كتالي
أول شي أنصحك تستآجر من النت أحسن لك ولآ تنسى تختآر ديزل لآنه غآلي عندهم البترول
1- فيزة بنك تكون الرقآم والآسم محفورة مو طبآعه .
2- رخصه دوليه تطلعهآ من أي مكتب سيآحي ب 150 ريآل تقريبآ .
3- رخصة القيادة العادية .
4- جوآز السفر .
5- ورقة الحجز أذا أنت حاجز من النت .
هذآ الي يطلبونه منك
وأسف على القصور وهذآ الي أقدر أعلمك عليه يالغآلي
أخوك .. دحومي

اخوي دحوومي مشكور عالرد بس حبيت استفسر انا ابغى السفره داخل النمسا بس ماابغى على المانيا لو تقدر تساعدني

الاخ ابو رنيم
ماقصر الاخ دحومي
لكن صعب عليك يكون الذهاب والاياب بفينا بس
ليه؟؟
لان فينا بعيده عن كابرون اوزيلامسي
والاقرب ميونخ
منها تغيير الدوله والاقرب لكم
اقترح 2ليال فينا
5ليال كابرون ..روعه ولاراح تمل منها خاصه انكم في عز الصيف
2ليله ميونخ
هذي 9 ليال يعني 10 ايام
اذا حجزت من بدري وبطيران مصر الارخص
الذهاب الى فينا والمغادره ميونخ
احجز وبسررعه لاتفكر تأجل حتى اسبوع لان اسعار التذاكر في ازدياد
والسياره كلها اقل الف وخمسميه ريال تقريبا خلال 6 ايام
تستلمها من فريسلانق الالمانيه جنب سالزبورغ
وتسلمها باول يوم لك بميونخ
وانت حاب تلغي المانيا
انت لو فكرت شوي
لو اقولك ايش الاقرب البحرين للشرقيه او الشرقيه للرياض؟؟
طبعا البحرين اقرب للشرقيه
فأنا ضربت لك مثال ان ميونخ اقرب لكابرون من فينا
واي شي مافهمته او حاب تضيفه اتفضل

ابو رنيم
دآخل النمسآ سبقتني أختنآ الريم
ومثل مآ قآلت لك صعبه عليك لآنهآ بعيده تروح لفينآ وترجع لهآ
فمن الآفضل أنك تروح لآلمآنيآ وتخلي الرجوع منهآ ... منهآ تكون رحت لدولتين ومنهآ فرجه وتسليه
وأذا بغيت لدوله النمسا بس أستآجر سيآره من طلووعك من فينآ إلى زيلآمسي والرجوع لهآ وتسلم السيآره
بس مآ أنصحك لآنهآ بتكون بعيده عليك وبتخسسر وقت

ابو رنيم
هلا بك والله ابو رنيم نور المنتدى بوجودك
وعندك يالذيب اختيارين :
أما :
1 ليله في فيينا
4 ليالي في زيلامسي أو كابرون كلها قريبه من بعض
2 ليلتين في سالزبورغ
2 ليلتين في فيينا والأستعداد للعوده
أو :
2 ليلتين في فيينا
4 ليالي في زيلامسي أو كابرون كلها قريبه من بعض
2 ليلتين في سالزبورغ
1 ليله واحده في فيينا والعوده بعدها لأرض الوطن
والسياره خذها اذا جيت تطلع من فيينا الى زيلامسي يعني لاتستخدمها الا بالأرياف ( زيلامسي + سالزبورغ )
وتسلمها أول ماترجع الى فيينا ( جرب شركة يورب كار أو شركة سيكست )

ماقصر ومعك الاخوان
وضحو لك كل شي
يعني انت الان وقبل كل شي روح احجز طيران الى فينا والعوده من ميونخ طبعا المصريه راح تكون الاقل بس مايمنع انك تشوف غيرها اذا فيه
البرنامج على حسب المده اذا عشره ايام يعني تسع ليالي
يفضل ثلاث مدن فقط فينا زيلامسي(كابرون) ميونخ
والافضل تستاجر سياره وذا تبي الافضل خذ السياره من فينا وسلمها في زيلامسي او سالسبيرق وركب القطار الى ميونخ
عن تجربه شخصيه وعتقد السعر مافي فرق كبير لو اخذتها من فريسلانق