يا هلا اختي.
أول شي الفندق يقع على جسر الشيخ حمد ( أحد الجسور الثلاثة الي تربط المنامة بالمحرق ) ،، وموقعه لا هو بعيد ولا جريب من ضاحية السيف حيث المجمعات التجارية الفخمة ،، يعني مسافة بالسيارة 10 الى 15 دقيقة.
اذا دخلتوا الاراضي البحرينية من الجسر واصلوا إلى الأمام واخذوا ثالث مخرج إلى اليمين وراح تحصلون عليه لوحات ارشادية ( المنامة - ضاحية السيف ) ، بعدين راح تركبون فوق الجسر وبعدها واصلوا مباشرة إلى الأمام بعد حوالي 15 كيلومتر راح تدخلون المنامة وراح تشوفين المجمعات التجارية على يمينج وعلى يسارج ، استمري واصل إلى الأمام حتى تدخلون منطقة وسط المنامة حيث الأبراج الضخمة مرفأ البحرين المالي ومركز البحرين التجاري العالمي ،، حتى الوصول إلى المنطقة الدبلوماسية اخذوا الاشارة الضوئية إلى اليمين عند اللوحة الارشادية الي مكتوب عليها ( جنوب المنامة ) ، بعد ما تاخذون هالمنعطف واصلوا الى الامام حوالي 400 متر وراح تصادفكم اشارة أخرى اخذوها على اليسار ، بعدها راح تكونون على جسر الشيخ حمد وثاني منعطف الى اليمين على الجسر اخذوه وراح تكونون في اليت سبا اند ريزورت ، وهو ملاصق لمنتجع الدانة نوفيتيل.
أوقات سعيدة.
,