وعليكم السلام ورحمة الله وبركاته
فعلا هذا الوقت من الاوقات مرتفعه الاسعار والسكن في تايلاند (موسم الاجانب) ولكن هناك العديد من العروض من عدة الفنادق تختارون الانسب لكم المده 7 ايام (5 بوكيت 2 بانكوك) والفنادق على حسب رغبتكم من ناحية النجوم

وعليكم السلام
اخبارنا تمام انا توني جاي من بوكيت وبانكوك رحلة 9 ايام ومثل ماتفضل اخوي الحوسني موسم الاجانب
اذا رحتي انا انصحك لان المدة قليلة اختصريها على بوكيت 4 ايام وبانكوك 3 ايام اذا تحبين التسوق
واذا مالك في التسوق 5 ايام بوكيت ويومين بانكوك
من ناحية الفنادق ارشحلك في بوكيت
1- فندق لي مريديان له شاطيء خاص غالي شوي
2- فندق ملينيوم انصحك فيه بشده انا سكنت فيه وفيه مول حلو وقريب من الشاطيء 5 الى 10 دقايق مشي
3- فندق الماريوت .
4- فندق ميركور ارخصهم 4 نجوم .

الحوسني
شكرا اخوي على الرد
بس مو عارفة اي شركة احجز التذاكر

عندك الطيران التايلندي وطيران الاتحاد والافضل احجزي عن طريق النت

وي نفس التاريخ إلي بسافر فيه مع زوجي وبنتي بس إحنه بنروح على طيران الخليج
تبين رايي آنه تمللت وايد يوم رحت بوكت كنه حاجزين 4 أيام في بوكت ثاني يوم حاطه يدي تحت خدي متملله لأنه من أول يوم رحنه الرحلات إلي يودونج الجزر جزيرة جيمس بوند وربعها ثاني يوم إفترينه في السوق وقعدنه على البحر وتمشينه وخلاص خلصت البرامج بالأخص إني مالي في سوالف البحر يعني هالأماكن مانرتاح فيها كخليجيات أحسها تنفع للأجانب إلي يسبحون و
نزلنه بانكوك صج صج إستانست لأنه وبإختصار أحب السوق وبانكوك كلها سوق قعدنه إسبوع وماشبعت وغير السوق بعد فيها رحلات في اليخت وحدائق بما أنه ولدج معاج يعني بتستانسون

مراوي22
هلا اختي مراوي زين والله عندي صديقة في السفر
انه لما رحت قبل عجبتني بوكت اكثر من بانكوك وشنغماي والسوق في بوكت واييد احسن كنت لما بشتري شي يقول لي زوجي لا في بانكوك ارخص بس هالمرة اي شي يعجبني باخذه اذا كانت في بوكت
ردي علي بكم حجزتوا والفنادق اللي بتروحينها والفترة اللي بتقعدونها
وباطرش لج ايميلي على الخاص للتواصل

انشااله تروحون وترجعون بالسلامه

الله على بوكت وايامها وليليها والسهر فيها والله وناسه ويا حلات البحر والسباحه في بحرها الصافي والله انها حلوه وفيها رحلات كثيره وممتعه بصراحه منها بي بي ايلند ورتشا وفنتازيا وجيمس بوند وبوكت زو حديقة حيوان مصغره وبوكت تاو
اختي الغاليه وبانكوك جميله ويكثر فيهلا التسوق وبها رحلات متعه مثل دريم ورلد وسفاري والسوق العائم والرحله الليله في اليخت و سيام بارك ولكن هذي مثل الاكوابارك العاب مائيه اللي يحب السباحه يعني واللعب بالالعاب
وشكراا
اي نعم الموسم نار اللحين ولكن مايختلف الوضع في العطله الصيفيه بالنسبه للبضائع اللي هناك هذي اسعارهم والفنادق تزيد اسعارها بعض الشيء ولكن انتي ابحثي على السعر اللي يناسبك
ولا تحاتي وسائل النقل متوفره وبارخص الاسعار ماعدى الطيران الداخلي كل ماحجزتي مبكرا اخذتي سعر منخفض ومناسب لكي
توكلي على الله وسافري يالغاليه وعددكم بسيط وقليل لا تكلفه ولا شيء وعليكم بالعافيه وتذكريني وانت في وسط السوق
اختك ليمونة حزينة

ابي اشكر كل اللي ردوا علي انه حجزت على طيران الخليج وبنفس التاريخ من 10-12 الى 17-12
حجزنا 5 ايام بوكت و2 بانكوك ان شاء الله نستمتع بالرحلة
ومرو ثانية اشكركم كلكم