كم الميزانية المتوقعه للسفر والسكن

وينكم شباب محد رد على الموضوع

الحوسني
انا مدري كم اخذ معاي
يعني رايح تسوق ورحلات
وبقعد بين 10 يام اللي 12 يوم
ابي اعرف الميزانيه حق السكن والتمشي باليوم كم
او من غير السكن
ابي مصروف اليومي
وماعندي خرابيط هناك

انا بروح
وما اعرف شي هناك
وابي اعرف مصورفي اليومي من غير السكن
يعني كم المصروف اليومي حق رحلات وتسوق
وماعندي خرابيط هناك

على حسب فنادق
خمس نجوم ولا مش حالك
شي نظيف ومرتب

بالنسبة لاسعار الفنادق .. لشخصين غرفة دوبل :
5 نجوم .. المتوسط من 700 ريال وانت طالع
4 نجوم .. المتوسط من 400 ريال وانت طالع
المصروف اليومي لشخصين ..
المتوسط 350 ريال ( شامل الرحلات والوجبات والمواصلات )
بالتوفيق

ألغالي اذا انت ساير بوكيت
روح فندق باتونق بيتش ريزورت قيمته باللية يمكن 170 درهم اماراتي
والفندق 4 نجوم وفيه مسبح كبير وحديقه مطله على بلكونة الفندق جميل ونظيف وقريب من الشاطي والمحلات
وانصحك تحجز فيه ليلتين بس وباقي الايام سير ودور لك فندق ترى الفنادق موجوده بكثره وراقية ورخصيه انا لما كنت حاجز في بوكت حجزت اربعه ليالي لمحت فندق عيبني سرت سالت عنه طلعت ليلته ب 190 بس فندق على مستوى راقي لابعد الحدود
وبخصوص الصرفيه انت اول ما توصل المطار خذ لك تاكسي من هناك ب 550 بات وهو اصلا بيوقف عند مكتب سياحي اول ما يوقف انزل واحجز لك الرحلات على طول وانا سرت جزيرة بي بي + رحلة الرافتنج الي هي ركوب الفيل + القوارب والسباحة في الشلالات يا الله على الشلالات مالهم والمطر وفيه دراجات + رحلة جيمس بوند
كلهم اخذتهم ب 4000 بات شامل الغداء والموصلات من الفندق والردة
لكن من تجربة جزيرة جيمس بوند ما استمتعنا فيها وايد يعني ما فيها اكشن بصراحه ودونا عن الكهوف بالقارات وكان الجو حار نوعا ما وتصورنا بس لكن جزيرو بي بي اكشن فيها على كيفك وفعاليات جملية لكن طعام الغداء في جيمس بوند كان لذيد بعدني اذكره
واحسب لك باليوم 350 درهم بتكفي ان شاء الله

يسلمو خواني ما قصرتم

عزيزي الوافي للابد
الفندق اللي قال عليه بو تركي ممتاز جدا
رخيص و مو قع ممتاز و غرف حلوه و بركة سباحة كبيرة و الخدمة ممتازة
و اذا بتحجز عن طريق موقع اقودا بيطلع عليك بسعر خيالي جدا
اما بخصوص الرحلات انت خذلك لفة على الكشكات اللي موجودة و الله الله بالمكاسر
اما بخصوص المصروف
مية دولار تكفيك رحلة + اكل 3 وجبات + بعض المشتريات الخفيفة طبعا باليوم الواحد