1. اول ماتوصل برايتون مايحتاج سياره إلا إذا كان معك حريم ..

وعليكم السلام ورحمة الله وبركاته
هلا وغلا الغالي ..
اليوم كنا في برايتون وكان نفسي نقعد فيها يوم لأن المكان حلو ولكن الجماعه الي معاي قالوا لازم انرد ..
المدينه حلوه وتستاهل الزياره ..والمدينه تقدر اتزور فيها تشرشل سكوير ( مجمع )
وتقدر اتزور برايتون بيير( مدينة العاب)
وتقدر اتزور مجمع مارينا ( سوق + كوفي شوبات + بضاعتهم بدون ضريبه )
تقدر اتروح للمدينه عن طريق محطة فكتوريا..ومدة الرحله 55 دقيقه ..سعر التذكره ذهاب وعوده 11 باوند ونص ..

اول ماتوصل برايتون مايحتاج سياره إلا إذا كان معك حريم ..

اول ماتوصل برايتون أطلع من المحطه وأمش سيدا لين توصل البحر ..(اول ماأتشوف المنظر البحر مع طيور النورس راح تتذكر مسلسل الكرتون جزيرة النخيل ) قبل ماتوصل البحر راح اتلاقي مجمع تشرشل سكوير على يمينك ..ادخلوه وتمشوا فيه ويمكن يعجبكم شي ..
بعد ماتطلع من تشرشل سكوير روح وأقعد على البحر..وبتلاقي كوفي شبات على البحر وأنصحك بكوفي شوب أسمه fish & chips عجيب ..وأحنا اليوم من حسن حظنا كان الجو غيم + هوا + مطر يعني الجو كان روعه ..وانت على البحر بتشوف مدينة العاب أسمه برايتون بيير تقدر تدخلها وتلعب إذا أتحب ..
وبعد ماأتخلص من الألعاب اتروح حق المارينا ..خل البحر على يمينك وأمش سيدا لمدة حوالي 35 دقيقه ..
وبعدها بتوصل مجمع مارينا وفيه جمعية ASDA او تقدر تاخ الباص رقم 7 ايوديك لين المارينا ..
على فكره..مجمع المارينا فيه OUT LET ويستحق الزياره والمحلات ارخيصه ( بدون ضريبه )
والحلو فيه المارينا الكوفي شوبات ..القعده فيها حلوه ..
وأي خدمه أحنا تحت أمرك

اخوي القطري
فيه صالات رياضيه بالمنطقه اللي رحت لها .. اقصد ( برايتون ) .. ؟؟
وإذا عندك معلومات عن منطقه ( هوف ) اللي ( ب برايتون ) ياليت تفيدنا بالاماكن الزينه
ومشكور مقدماً

ماشاء الله اخوي القطري ماقصر
بخصوص هوف هي ضاحية أو منطقة ملاصقة لبرايتون .. مثل بوول في بورمث .. عندك هوف وبرايتون وبعدها إلى الشرق بيس هيفن ونيو هيفن
بخصوص الأماكن .. أشهرهم .. تشرشل سكوير والمارينا والبير
الجو غالبا ممطر
الباص وسيلة اقتصادية جدا للتنقل في برايتون .. والشبكة تغطي أغلب المناطق السكنية والسياحية
ضع في أول جدول زياراتك منطقة Seven Sister فهي من أجمل المناطق اللتي زرتها في بريطانيا .. إن لم تكن الأجمل إطلاقًا !!
برايتون بشكل عام اعتبرها لندن الساحل !! فهي تشبه لندن في شوارعها وكثافة زوارها .. وفي نفس الوقت هي مدينة ساحلية جميلة جدا وغنية بالمناطق الريفية الرائعة ..
مجرد معلومات لعلها تفيدك .. وبالتوفبق

والله يا شباب احس برايتون ممتازة
بس انا ما رحت لها
لكن ابي اروح لها ان شاء الله

ساعدوني
هلا وغلا الغالي ..
فيه صاله شفتها وأحنا نتمشى على السيف ..
الصاله مكانها حلو لأنها مطله على البحر والكوفيات كلها حواليك ..
ومنطقة هوف ماقصر الدكتور ديجتال جعله يسلم ..
وأي خدمه كلنا تحت أمرك

وعليكم السلام ورحمة الله وبركاته
الأخوان الله يعطيهم العافية ما قصروا
بس اتمنى منكِ زيارة هذا الرابط وان شاء الله يفيدك = اضغط هنا https://artravelers.com/p/re/98335
مع خالص احترامي

اخوي القطري عند استفسارين لاهنت الاول تنقلاتك اول ما وصلت برايتون كانت بسيارة ولا مشي وماهي الطريقة التي تنصح بها للتجول في برايتون
والباص كيف تقدر تستخدمه هل الأويستر كارد حقت لندن تنفع ولا ؟

كرا جزيلا لكل من شارك في هذا الموضوع
لانني كونت فكرة لا بأس بها وسف اذهب لبراتون ان شاء الله وانا مطمئنة
تحياتي للجميع

مثل ماقال الاخ قطري
وانا زرتها يوم واحد فقط وكانت من زمان
أحس ان تستاهل الزياره ومحطة القطار
قريبه من البحر وعلى البحر فيه الالعاب
الالكترونية للاطفال والكانزينوا وماشابه
ويوجد على الشاطى شبه حديقة وفيها
ألعاب .. بشكل عام برايتن حلوه وتستحق الزيارة