الف مبروك بوناصر ربي يوفقك ياغالي ,
الرابط ادناه ان شاء الله يفيدك برحلتك ,
https://artravelers.com/p/re/571484
بالتوفيق , , ,

رحلة موفقة .. وتذكر ان شهر العسل .. لا يجب ان يكون بالضرورة شهر عسل ..

ممكن تبتدي بلاس فيقاس وتاجر سيارة وتروح ل ..سان دييغو...اورانج كاونتي...لوس انجلس...سانتا باربارا...مونتري....سان فرانسيسكو

يا جماعه ممكن تفيدوني بعدد الايام اللي اقضيها في كل منطقه و يكون جدول بالمناطق من وين ابدي ووين النهايه وخصوصا اني افكر انزل بمطار سان دييغو او لوس انجلوس و راح تكون كل تنقلاتي عن طريق السياره وراح يكون نفس المطار الوصول و المغادره

افضل حل تطير علي البريطانية لانها تطير من لندن الي فيقاس وسان دييغو ولوس انجلس وسان فرانسيسكو....
يعني ممكن تطير من بلدك وتروح ترانزيت فقط لندن وتطير الي فيقاس.....تقعد جم يوم وتاجر سيارة وتروح سان دييغو واورانج كاونتي ولوس انجلس وسانتا باربارا ومونتري وسان فرانسيسكو وتسلم السيارة وتطير من سان فرانسيسكو الي بلدك....
الاماراتية كذلك تطير الي لوس انجلس والي سان فرانسيسكو....

احسن توصل الي مدينة وترجع من مدينة اخري...لان مونتري وسان فرانسيسكو بعيدين عن الباقي...
اذا رحلتك 30 يوم ... فيقاس 5 سان دييغو 5 اورانج كاونتي 3 لوس انجلس 9سانتا باربارا 2 مونتري 2 سان فرانسيسكو 4 ...
هل تشوف 7 مدن كثيرة وتنقل وايد.... ممكن تلغي مثلا سانتا باربارا و مونتري

يعطيكم العافيه و اخوي خبير امريكا اذا ماعليك امر بغيت اعرف اذا كنت ابي خطه كامله من وين انزل ووين انتهي بحيث تكون لفه حلوه و اكون عطيت المناطق حقهم و غير هذا انا ودي اروح و ارجع من نفس المطار وقاعد افكر يا انزل في سان دييغو او لوس انجلوس و بخصوص لوس انجلس ودي اقسمها مابين شمالها و جنوبها اذا تفيدني بهالنقطه و اذا انت تشوف اروح من مطار و ارجع من واحد ثاني فيدني اكثر و بغيت اوضح ان انا ودي تكون اللفه حلوه من حيث المسافات بين المناطق يعني

ممكن تشوف الخريطة وتشوف مواقع المدن....خاصة سان فرانسيسكو( لانها في شمال كاليفورنيا وباقي المدن بجنوب كاليفورنيا)....علشان جذي قلتلك توصل لمدينة وتطير من مدينة اخري.......الا اذا ماعندك مانع تسوق رايح وراجع لسان فرانسيسكو من لوس انجلس....شوف الرد رقم 6 ورقم 7 فوق....عطيتك الترتيب ومدة القعدة بكل مدينة.......
أورانج كاونتي هي بجنوب لوس انجلس