السلام عليكم ورحمة الله وبركاته
حياك الله في الشرقيه وبالنسبة للشقه وب 12 الف ريال حق عوائل؟
أعتقد مستحيل حتي حق عزاب صعبه جدا طارت الأجارات حتي لو ملحق

zazaz
طيب عل خبرتك مااقدر احصل بها السعر كلش
وابي منك تقول لي اسماء الاحياء في الدمام ولك مني جزيل الشكر

طيران سريع
والله صعبه 12 الف ماعرف إذا بتحصل في العدامه او الأحياء المجاوره بس لو تحصل
ببلاش هناك لا تسكن وبالنسبه للسؤال الثاني الأحياء اللي ذكرت وبعض من الجلويه
حاول تمر مكاتب عقار وإن شاء الله تحصل اللي تبي 0000

zazaz
انت ذكرت العداميه ليش شنو فيها وهل بعد في احياء غيرها علشان ابعد عنهما اخوي
ومشكوره على النصيحه

طيران سريع
العدامة والبادية من الاحياء الفقيرة في الدمام...وممكن تلقى شقة 12ألف..
أسعار الاجارات خيالية بالدمام...غرفتين وصالة 18 ألف في حي الجلوية وهو حي فقير أيضا..
أولا لازم تعرف مقر عملك وش أقرب حي لة..بعدين اسأل عن الاحياء...وأسعار الشقق فيها..
أنصحك موقع عقار ستي..ابحث عن عقارستي الدمام....أو موقع منتدى الايجارات...ابحث فى قوقل..

ريماالعلي
يعني حي العداميه والباديه بس عيبها انها احياء فقيره يعني قديمه قديمه
يعني مافي اجرام ولا سكان عمال
طيب وش غيرها بعد انا سمعت بعد ابعد عن حي القزاز والخليج والزهور هل هولاء الاحياء بعيد قديمه والا فيها شئ ثاني
طيب اخواني ماتقدرون تفيدون بارقام تلفون مكاتب عقارات في الدمام لاني بعيد ولسه مارحت الدمام ابي مساعده منكم اخواني
وابي رايكم بعد باحياء الخبر لان عملي في النص بين الخبر والدمام وش تنصحوني وين اسكن الخبر او الدمام
وشنو احياء الخبر الزينه
الله يجزيكم خير

بالنسبه للسعر اخوي تلاقي في حي الزهور او حي السلام اللي مقابله .. بس زي ما يقولون حظوظ
دور ومنت خسران شي .. دور في كل مكان .. ابدا باحياء الحلوة القريبه من الكورنيش
صدقني بتلاقي .. فيه ناس تشتري الرجال ما تشتري المال
ولا يجيني احد ويقول ما فيه الوالد الله يطول في عمره ماجر شقه في المباركية 3 غرف وصاله ومجلس
0الف عوائل ..

الليث
الله يسلمك اخوي
الصراحه اتمنى اسكن في حي زين وشقه 3غرف بسعر 12 او 13مو مشكله وانا الصراحه محتار
واذا عند والداك او احد يعرف يحصل لي شقه بها لاسعار اكون شاكر لك

الاحياء العنود والمحمديه والعزيزيه وجزء من الجلويه اللي هو بورشيد
اما اللي يقول الجلويه هي فقير فما اعرف كيف فقير وتلاث ارباعه قصور
الاحياء قزاز والباديه والعدامه والخليج احياء فقيره وممكن يكون فيهامشاكل وقلق
السلام والزهور جديده بس فيها قلق
اذا شغلك بين الدمام والخبر دور في العنزي او بترومين يعني شوف منطقة الراكه حيث عملك