أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
إيه المباركية ..منو قالج انه كله شعبي ؟ بالعكس انتي دخلي العمارة البيضاء اللي فيها الحلواجي ومحلات الذهب اللي يصير مدخلها مقابل ممر سوق الدعيج اللي كله خامات دشاديش _عرفتيها؟؟_ روحي فوق وكسري يسار أول ماتخلصين الدري ..وامشي بهالممر بعدين تييج فتحة _ ممر ثاني _ دخليه وبس تبين عندج محلات الحريم وبدلات حلوة عملية توني شاريه بدلة من محل يصير بآخر الممر هذا من ناحية اليمين كاتب عالبدلة 24 دينار بس من أول كلمة قالي 12 وشريتها ب12 حلوة وغريبة وعندج محل بالنقرة الجنوبي خياط الكويت بس هدومة حلوة مومكررة اسم المحل زورا بالانجليزي على ايدج اليمين آآآآخر شي بالممر إذا دخلتي من عند اكسارا وايضا مجمع الايوب كله محلات هدوم كويتية على قولتج
موفقة
عندج..
1- محل بونبونه في جمعية الشاميه فوق
2- في محل مادري شسمه في الشاميه - صاير بالمجمع اللي فيه مطعم فلفله..!
3- بيت كاريزما فيه محلات دايمه مو مؤقت مثل قبل ;)
4- دار يوشا - ورا الكنيسه (بيوت بهبهاني)
5- مجمع النقره اللي يصير على اليمين و انتي داشه من طريق المغرب السريع والله فيه محلات حلوة
عندهم بلوزات و نفانيف توني شاريه منهم نفنوفين
هذا اللي ابالي حالياً ;)
