أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
لا لا ليش الضجيج حدهوم بو طقة
لا عندج علي عبدالوهاب بس اذا تبين اكشخ و اسعار زينة عندج اللمسات الاخيرة حده كشخة تلقين بالسعر الي تبينة
انا دايرة السوق كلة قاعدة اثث طبعا في اشياء رخيصة بس مو كواليتي مثل ميداس و صفاة الغانم
عندج بعد الي صج راقي وكفالة خمس سنوات وامريكي تيباك حدة حلو ان شاء الله اكون فدتج
السلام عليكم ...............
موضوعك جاء بوقته انا من السعوديه واخترت دوله الكويت اشتري منها غرفه النوم وفعلا استفدت من ذكركم لأسماء المحلات بس ماادل وينهم بالضبط بأي منطقه وبأي شارع وبعد اذنكم ابي المحلات اللي قالت الاخت attractive 149
وانا متأكده ان اهل الكويت راح يفيدوني بذكر العناوين
وبصراحه كلمه حق لازم اقولها بحكم زياراتي للكويت المتكرره بعمري ماشفت مثل تعامل الكويتيين لضيوفهم من ندخل للكويت لين مانطلع وهم ماشاء الله ذوق وذرابه واتكيت واذا تهنا وسألنا يدلونا لدرجه بعضهم يوصلنا وحنا وراه بسيارتنا وكلهم يحرجونا بطيبتهم وتعاملهم رجال والا حريم والاشباب والارجال امن شعب راقي ماشاء الله عليهم
السلام عليكم ورحمه الله وبركاته
كلمه حق لازم اقولها بحكم كثره زياراتي لحبيبتي بلدي الثاني الكويت
شفت شلون يتعاملون اهل الكويت مع ضيوفهم وزوارهم صراحه قمه الذوق والذرابه والطيبه
وكل ما نتوه ونبحث عن مطعم او سوق نلقى الشعب الكويتي يخدمنا باي سؤال وعن اي مكان لدرجه
ان شبابهم يدلونا لحد باب المكان اللي نبيه وحنا وراهم بسيارتنا وما يقصرون الله يجزاهم خير
وهالشي خلاني مااتردد في كتابه موضوعي ...........
انا اثثت صالتي ومجلس في بيتي من الكويت وحابه اللحين اشتري غرفتي النوم من عندكم وبحثت
بالمنتدى عن محلات غرف نوم راقيه وكشخه وجوده وبصراحه ما ادل ولا واحد منهم وحابه تفيدوني عن
اماكنهم وين صايرين واللي يقدر يفيدي بمحلات اخرى كشخه اكون شاكره لكم بس ياليت اي محل تذكرون
عنوانه...........
المحلات اللي ابي عناوينها:
تيباك _ بنتا _اللمسات الخيره _صفاه الغانم _رومانتك
وابي عنوان ايكيا عشان ادور حركات للغرفه
وياليت تفيدوني بمحلات اخرى لغرف النوم كشخه وجوده وذربه مثل ذرابة اهل الكويت
ودمتم سالمين وشكر خاص لكل من رد على موضوعي وانا بأنتظاركم
هلا أختي مسافر بالنت
وأحنا وياكم مثل الأخوان سمن على عسل ياالسعوديين والخليجيين عامة
وعن المحلات
إيكيا موجود بمجمع الأفنيوز بمنطقة الري
واللمسات الأخيرة موجود بالشويخ شارع كندا راي بمجمع وارة
وهم ميداس حلو بمحافظة الفروانية منطقة الضجيج
وصفاة الغانم هم بالري وناسية قبل سنتين مأثثة بيتنا كنه قدامه ذي كاسل و رومانتك هذول كل من صفاة الغانم على شارع سريع وذي كاسل ورومانتك على شارع المقابل وأسمه شارع الغزالي
أتمنى أن أفتك
في محل بالضجيج اسمه مملكه الاطفال شغله نجارة يتحمل عندهم كاتلوج تختارين اللي تبين ويسويه من 300 الى 500 تقريبا مو اكثر انا توني مسويه لولدي سرير عندهم على شكل سياره فيراري حمرا
وفي غرف جاهزه كامله في صفاة الغانم من 350 الى 700 دينار تقريبا واشكالها حلوة
شوفي حبوبة .. بالنسبة لغرف النوم انا مادري عنهم
لأني من زمان ماخذة غرفتي واهي اميركان ماترس
فمالي خبرة وايد
بس شرايج بصفاة الغانم ..
وان شاء الله باجي الاعضاء يفيدونج ..