حياك الله اخوي:انا لا ادري هل هو انا الشخص الذي قصدت ام شخص اخر..عموما ابشر باللي تامر فيه..
اخوي..وش تخصصك في البكالوريوس وهل اوراقك كاملة (الشهادة ،التوصيات ،ضمان مالي) كذلك المدينة التي ترغب بالدراسة فيها

نعم انت أخي ابو بدر لما سمعت وقرأت لك أنك من أهل الخير والمبادرات الجميله لك بهذا المجال ،،،
أفيدك يالغالي بأنني موظف حكومي وارغب الابتعاث من جهة عملي كما اني اعمل بقسم الابتعاث ،،،
كل اللي اريده قبول من الجامعة لدراسة اللغة والماجستير ثلاث سنوات او سنتين مع اللغة طبعاً
الله يحفظك (انا حاصل على شهادة البكالوريوس تخصص إدارة عامه عام 1423ه )اما التوصيات مشكله اغلب الدكاتره اللي درسوني تقاعدو ،،، وكذلك الارتباط المالي يتم الارتباط من جهة عملي ثم يصرف من بند وزارة التعليم العالي التي نرتبط معها
ارجوك ساعدني باللي تقدر عليه
ملاحظه : يمكن تخلي القبول في شهر 9عام 2011م مو مشكله جامعة نيوكاسل او ليفربول او اي جامعة غير معقده
ولك من خالص الشكر والتقدير

1. فيه نقاط مهمة قبل مانبداءبالقبول:

حياك الله اخوي فايز ...والله يالغالي احرجتني بكلامك عني وهذا والله من طيبتك عسى ربي يسلمك.

فيه نقاط مهمة قبل مانبداءبالقبول:

..دام انك موظف حكومي لازم تخلي في بالك وضعك في الترقية اذا انت بتترقى السنة الجاية مثلا فانت الأفضل لك انك تأخر الإبتعاث لين ماتترقى ان شاءالله وبعدها البعثة لأن نظام الخدمة المدنية مع الأسف يمنع ترقيتك وانت في الإبتعاث.
..دراسة الماجستير في بريطانيا سنة واللغة بتاخذها بسنة ان شاءالله..وعلى فكرة وشلون مستواك في اللغة ؟هل سبق لك ان اختبرت الأي إي ال تي اس أو التوفل؟
..بالنسبة لتخصصك في الماستر ارجو التفكير فيه جيداً هل يتناسب مع حاجة عملك أم أن هناك تخصص أخر أفضل منه؟وفيه ميزة لك انك موظف فالتخصص انت اللي تختاره وليس عملك..مثلاً تقدر تختار بين الإدارة العامة ،إدارة انظمة معلومات، وممكن قانون ، موارد بشرية ،إدارة مشاريع.
..بالنسبة للتوصيات فلا أعتقد أن هناك مشكلة لو بتروح لرئيس القسم عندك بيدبرك وان شاءالله يكون لك علاقات سابقة مع بعضهم ويسهلون لك المهمة.
..بالنسبة للضمان المالي ..اللي اعرفه ان فيه ضمان مالي عام تزودك فيه جهة عملك لمراسلة الجامعات ثم بعد مايستقر رأيك على جامعة محددة يعطونك ضمان مالي خاص لهذه الجامعة..ما أدري هل عملكم يسوون زي كذا أو لا.
بالنسبة لإختيار الجامعات نيوكاسل أو ليفربول هل تعرف احد درس نفس تخصصك في احداهما؟ لأنه بيختصر علينا اشياء كثيرة.أيضاً فيه جامعات أخرى في مدن أخرى أرى مناسبتها مثل اسكتلندا ، نوتنغهام ، ليفبره وسوف ابحث عن تخصصك فيهما.
هل شهادتك والسجل الأكاديمي مترجم وكذلك التوصيات ..لازم تكون انجليزي.
اخيراً...انا بانتظار ردك علشان نبداء الخطوة القادمة واي سؤال لايردك الا الكي بورد ..وربي يوفقك ويسهل دربك.

الله يسلمك ياعسل ،،، احرجتني بكلامك
اجيبك على كل نقطه قلتها :
1- بالنسبة للترقية يا عسل اني توني مترقي للمرتبة السابعة في شهر 6 ولله الحمد .
2-مستواي باللغة جيد درست سنة ونصف في كلية المعلمين بجدة بعد الجامعة للتدريس في المرحلة الابتدائية لكن تعينت بالرياض وقطعت الدراسة .ماعندي مشكلة اختبر توفل او ال تي اس
3-تخصصي إدارة عامة بالجامعة وعملي إداري ومحتاج لقسم الادارة العامة وابي نفس التخصص او موارد بشرية مو مشكله .
4-بالنسبة للتوصيات عادي باروح الجامعة لرئيس القسم وادخل عليه واكلمه وان شاء الله تتيسر الأمور .
5-افيدك عزيزي اني اعمل في قسم الابتعاث بوزارة ...... بعدين اقولك ههه،، وعمري ما رأيت ضمان مالي لموظف مبتعث الا عن طريق التعليم العالي بعد ما يتم الارتباط من قبل الوزارة التي اعمل فيها ثم نرسل الارتباط لوزارة التعليم العالي ويرتبطون عليه وبدورهم هم يرسيلونه للجامعة ،، وشور علي ايش اعمل ؟؟؟؟؟
6-بالنسبة لاختيار الجامعة ماهو مشكلة بس الجامعة سهلة ، التخصص موجود ، السكن والمعيشة مناسبة .
7- اما الشهادات والتوصيات والسجل الاكاديمي اجهزه واترجمه ما يأخذ وقت .
وأنا لدي طموح يأبو بدر بالله شوفلي دبره لأن مديرنا (صاحب سمو ملكي ) وما يوافق الا لما أوريه القبول تكفى تكفى تكفى ،،،
تحياتي لك ،،،

حياك الله يالغالي: ماشاءلله تبارك الله مبروك عليك الترقية والحمد لله وقت البعثة مرة مناسب.
بالنسبة لإختبار الأيلتس أفضل انك تختبر هنا في المجلس الثقافي البريطاني بعد ما تستعد له جيداً لسببين الأول لأن أغلب الجامعات البريطانية لاتقبل انك تدرس لديها في معهد اللغة إلا اذا كانت درجة إمتحانك في الأيلتس 4 من 9
الثاني ان الإمتحان بيوضح لك نقاط القوة والضعف لديك في المهارات المطلوبة للغة (قراءة ،كتابة ،استماع ،محادثة)
هذه بعض مواقع IELTS
http://www.ielts.org/default.aspx
بالنسبة لتخصص الإدارة العامة بيكون أسهل لك في الدراسة لأنه امتداد لتخصصك..والموارد البشرية (من وجهة نظري) أفضل وظيفياً لأن مجال عمل الإدارة العامة في القطاع الحكومي فقط بينما الموارد البشرية فهي مطلوبة للقطاعين(حكومي وخاص).
الضمان موضروري الفترة هذي
بالنسبة للترجمة المفترض أن الجامعة لديها ذلك فأغلب الجامعات تصدر الأوراق المطلوبة باللغة الإنجليزية ..لذلك اطلبه منهم ...وماله داعي تروح وتخسر نفسك في مكاتب الترجمة ولمعلوميتك ترجمتهم أي كلام في الغالب.
وفي الوقت اللي اكتملت فيه اوراقك ان شاءالله بيكون حددنا الجامعة المناسبة...تحياتي لك
ملاحظة : حاولت ارسل لك رسالة على الخاص ويبدو ان استقبال الرسائل معطلة لديك..ارجو ارسال ايميلك على الخاص وشكرا لك

موضوع جا فى وقته لانى افكر جديا فى اكمال الماجيستير انا ايضا ومازلت محتار فى اى جامعه...
اول مره يابو بدر اسمع عن موضوع التوصيات هل هو ضروري؟

موادع2006
توكل على الله وابداء ...باي تخصص بتدرس ان شاءالله..
بالنسبة للتوصيات في بعض الدول يشترطونها وأيضاً مايقبلونها إلا ان تكون مغلفة بظرف..في بريطانيا براسل بعض الجامعات واشوف اذا هي ضرورية ولايمشون الطلب بدونها.

ابو بدر ،،، السلام عليكم
اتمنى ان تكون بصحة جيدة ،،،
بخصوص التخصص مو مشكلة موارد بشرية حلو ،،، اما الضمان شوف لي حل تكفى ،،،
واما التوصيات بحاول وعلى الله ،،،
لكن وين تنصحني اختبر التوفل والا ال تي اس ،،يعني اللي تشوفه سهل ولا يعقدونك فيه بالامتحان ،،
اما ايميلي ما عرف ارسله على الخاص لكن خذ معاك :
xxxxxxxx
يمنع نشر الايميلات الشخصية في منتدى العرب المسافرون و من اراد التواصل عليه بطلب البريد الالكتروني للعضو الاخر من الادارة بالكتابة في بوابة الاقتراحات و الحلول و الدعم الفني
xxxxxxxx

اخى ابو بدر ..
طلبت ايميلك من الاداره فى قسم الاقتراحات للتواصل اذا ماعندك مانع....الاستشاره طيبه وبالتوفيق ايضا لاخونا فايز الزهرني..