ابي فزعتكم

AHHS

26-04-2022 - 04:46 am

السلام عليكم ورحمة الله وبركاته
اخواني
انا عريس جديد وطالع شهر العسل لماليزيا ورحلتي لمدة 18 يوم مقسمة بين اربع مناطق وهي
سلانجور يومين
لينكاوي 5 ايام
بينانغ 5 ايام
كوالالمبور 6 ايام
الحين ابي فزعتكم في اسماء المناطق السياحية اللي استطيع ازورها في هذه المدن
وابيكم تحددون لي اهم المعالم اللي اقدر ازورها
وافضل الاوقات لزيارتها
ولكم كل الود والأحترام .
وعقبالكم للي مو متزوج واللي متزوج ان شاء الله يزورها مرة ثانية.
نسيت اقولكم اني جميع تنقلاتي بين المدن عن طريق الطيران

التعليقات (6)

خليلها

26-04-2022 - 07:57 am

وعليكم السلام ورحمة الله وبركاته
إذا حجزت وخلصت كل شي الله يوفقك...
بس ياخي 18 يوم كثيرة على 4 مدن بس...
لنكاوي وبينانغ يكفيهم كل وحدة 3 أيام...
وشوف الكاميرون أو جينتنيج أو بورت ديكسون من باب التغيير...
أما بالنسبة للأماكن السياحية لو تاخذ لفة في الرابط التالي ماراح تحتاجنا من بعده فيه كل شي تبغاه ...
اتعب على نفسك شوي وإقرأ ثم إقرأ ثم إقرأ
https://artravelers.com/p/re/453550
بالتوفيق

المغادرون 2007

26-04-2022 - 08:58 am

مبروك ياعريس
أتفق مع أخي خليل برنامجك يحتاج لإعادة توزيع
أقترح عليتك تنقص يوم من لنكاوي ويوم من بينانج وتضيف مرتفعات جنتنق ليلتين جو جميل وطبيعة خلابة
2 سلانقور - 4 لنكاوي - 4 بينانج - 2 جنتنق - 6 كوالا

وافي بزمن جافي

26-04-2022 - 09:59 am

أخونا الغالي العريس (ahhs)
أسأل الله أن يوفقكم في حياتكم القادمة ... وريرزقكم الذرية الصالحة ... اللهم آمين
أنا أتفق مع أساتذتي ( خليلها والمغادرون ) ...
من الأفضل تعديل الجدول قليلآ ... ليصبح كما ذكر ( المغادرون ) ...
2 سلانقور - 4 لنكاوي - 4 بينانج - 2 جنتنق - 6 كوالا
وافي بزمن جافي

AHHS

26-04-2022 - 11:00 am

يعطيكم الف عافيه والله يبارك فيكم جميع
بس ماعاد في مجال اعدل لاني حجزت وخلصت
مشكور اخوي (خليلها) رابط جدا مميز ان شاء الله استفيد منه
(المغادرون , وافي) مشكورين حبايبي والله يسمع منكم وعقبالكم اذا عزابيه
واذا متزوجين بكيفكم ...... !! ودكم بالثانيه ؟؟ بدعي لكم ههه
حبايبي الله يسعدك
انا قريت وقريت وقريت بس حاب اعرف منكم اذا في مناطق مجربينها وتنصحوني فيها
ولكم خالص الشكر والامتنان
تحياتي للجميع

ابوفهد202

26-04-2022 - 12:01 pm

سلانجور خلها 3 ايام .. خاصه اذا كان فندقك الصن واي ..
ما اقول الا الله يوفقك وانا اخوك وبارك الله لكما وجمع بينكما بخير ..
بصراحه لو ترجع ايام شهر العسل وتكون سفري الى ماليزيا ..
راح تكون كالتالي .. وهذا رايي ..
5 ايام سلانجور ... راحه وتعود على الاجواء وتهدأت انفاس ؛؛ تعرفون عريس .. لاحق على المرمطه وتربيط الشنط وتفكيكهها ..
4 ايام لنكاوي ..
وعلى طول كولا على جنتق يومين ثم الى كولا بفندق قريب من البرجين راحه لمدة 3 ايام
وابعد عن شارع البطحاء .. شارع العرب ..
(( نصيحه اخ .. انت عريس وجاي تستمع ؛ لاترهق عروستك بكثرة التنقل ؛ لانكام راح تتعبون والله والمشكله انكم عرسان وراح يجامل كل واحد الثاني ؛ خاص العروس ؛؛ لانها هي اللي بتفك وتربط الشناط والعفش ..))

AHHS

26-04-2022 - 01:02 pm

اخوي ابو فهد الله يبارك فيك وعقبال افراحك يارب
بالنسبة لعدد الايام في لنكاوي وبينانغ فحسب ما سمعت انها من المناطق الهادئه والرومانسيه وتناسب شهر العسل خصوصا للاشخاص اللي يفضلون الهدوء والاجواء الجميله وانا افضل هالاجواء عشان كذا خليتها خمس ايام لكل منطقة
وتقسيم الجدول ما اقدر اعدل لاني اعتمدت هالجدول وحجزت الفنادق والطيران الداخلي
شاكر لكم تجاوبكم
ودمتم بود

كوالالمبور المسافرون العرب

ابي فزعتكم