أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
وعليكم السلام ورحمة الله وبركاته ..
أولا ألف مبروك والله يتمم عليكم يا كريم ..
ممكن نعرف عدد أيام الرحله ؟
وممكن يالغالي تتطلع على تقارير الأعضاء وتشوف الأماكن إلي ممكن تناسبك على الرابط ..
تقارير إمريكا https://artravelers.com/s/175
وموجودين بإذن الله جميعا ونسعد بالإجابه على تساؤلاتك في أي وقت ...
ألف ألف مبروك
سبتمبر راح يكون صيف والجو حار بالولايات الشرقية
شوف مثلاً لوس انجلوس وبعدين سان فرانسسكو وسان دييغو ولاس فيقاس
واذا كنت تحب اجواء الجزر روح كبداية لهاواي
وبالتوفيق لك يارب
وش البرنامج راح يكون ياعم وسيم
وش تنصحني
ابد ضبط الجدول انت والاماكن الي اروحلها
وعندي سؤال
امس اسولف مع واحد قال ترى حتى لو رحت لامريكا شهر عسل يقول منت مرتاح نفسيا بتصير شايل هم وكذا وش وجهة نظرك ؟؟؟؟؟؟؟؟؟
في ظل الوقت الذي ستزور به الولايات المتحده ..
ولاية كاليفورنيا الخيار الأنسب لك للمدن ( سان فرانسيسكو - لوس أنجلوس - أورانج كاونتي - سان دييقو ) + لاس فيقاس
أرشح لك هالتقريرين .. https://artravelers.com/p/re/232906
أتمنى لك التوفيق في رحلتك القادمه بإذن الله : )
هلا يالغالي ،،
بالنسبة للأماكن والجدول بالضبط أدخل قسم التقارير وبنشوف
تقارير متنوعة وشاملة لكل مدينة وماعليك إلا تضيف وتنقص الأماكن اللي تبيها
وتعليقاً على كلام الواحد بالعكس أمريكا أونس وأروع بلد ممكن تشوفه
وفيها نشاطات وأماكن وأجواء مختلفة بكل ولاية
لكن أنا من وجهة نظري الشخصية ماأفضل يكون شهر العسل بأمريكا لسببين ..
كيف راح تسوي اجراءات الفيزا لك وللمدام اذا كان توك ماتملكت ؟
يعني صعبة هي تروح لحالها بموعد السفارة وانت لحالك
مده الطيران لأمريكا طويلة وتزيد عن 12 ساعة اذا بتروحون مباشرة لنيويورك
ولاحظ قلت لنيويورك مو لوس انجلس لان لوس انجلس من دبي 16 ساعة
هذا غير رحلات الطيران الداخلي والترانزيت اذا فيه
فالأفضل ماتنقل بنت الناس اول مره لمكان بعيد خصوصاً اذا كانت مو متعودة
وتعرف بعض البنات يمكن تتعب او تصيح تبي أمها عاد وش يرجعك 12 ساعة بسرعة
اذا قدرت تدبر هالنقطين فتوكل على الله وحدد المده والميزانية والمدن
وعلى طول ابدأ بتجهيز إجراءات استخراج الفيزا
أو أجل السفرة لذكرى زواجكم الأول عشان يكون التخطيط من الطرفين والكل يكون مبسوط وراضي
وبالتوفيق لك يارب
مبرووك الزوااج
وان شاءالله تستمتع وترتاحون في السفره
ومنتظره رجعتكم من شهر العسل عشان اعرف رايك لان اانا وزوجي بعد نفكر نسافر لامريكا لشهر العسل في يناير
انتم السابقون ونحن اللاحقون
أولا ألف مبروك والله يتمم عليكم يا كريم ..
ممكن نعرف عدد أيام الرحله ؟
وممكن يالغالي تتطلع على تقارير الأعضاء وتشوف الأماكن إلي ممكن تناسبك على الرابط ..
تقارير إمريكا https://artravelers.com/s/175
وموجودين بإذن الله جميعا ونسعد بالإجابه على تساؤلاتك في أي وقت ...