لا بالعكس هذي فرصة
الحين في وايد يحولون للجنيه عشان سعره نازل
ولو ماصارت وما رحتي بريطانيا عقب فترة تردين تحولينه ريال
وممكن اذا ارتفع سعره انتي الربحانه مافيها خسارة الا اذا نزل سعر الجنيه زياده
وهذ شي غير متوقع

أختى الفاضله امل بكرى
نفس كلام الأخ الفاضل Noura86
أنا شريت كميه جنيه أسترلينى وبعد شريت يورو
كان سعر اليورو335 الحين أنا ربحان

اختي الغاليه سأجيبك بحكم خبرتي المالية المتواضعه بحكم عملي في المجال المالي
مع احترامي للاخوان اللي ذكرو انك تشترين مباشره وبدون تردد !! هل تعرف وين بتوصل نهاية الازمه !! لان حنا تونا بدينا في طرفها القصير ومابعد عرفنا مداها او نهايتها اصلا...ازمة الرهن العقاري حولت العالم بين ليلة وضحاها من تضخم صرف الى ركود قاتل فأرجو الحذر...الحذر للمضارب اللي يبي يسترزق من النزول ويمكن النزول يطول وتنزل اسعار الصرف اكثر...للي بيسافر وبيشتري له الفين باوند ولا ثلاث الاف باوند هذا ماعندة مشكله كبيره لان خسارته ماتتجاوز الالف ريال في النزول الحاد او الربح في الطلوع الحاد لو اضظر يبيع
هناك تنبأت اقتصادية تقول ان الوضع القادم اسوأ اكثر ولا تستغرب تشوف اليورو = الدولار فليس ذلك بمستغرب
ان كنتي ستسافرين في خلال ثلاث الا اربع شهور اشتري الحين اما اذا سفرك في الصيف ارى الانتظار افضل او الشراء بنصف الكمية و الانتظار شهرين و تكملة المبلغ المراد شرائة...اذا الجنية الاسترليني الحين = 5.5 ريال يمكن تشترينه خلال شهرين ب 5 ريال و الله اعلم

• * حنا المسافرين ماينطبق علينا الكلام كثير لان المبلغ اللي نبحث عنه قليل لايتجاوز 3 الاف باوند ولكن المقصود المتسثمر او المضارب اللي يبي يكسب من النزول املا في الصعود بعد حين

موفقين ان شاءالله

حدّي مصر
بارك الله فيك على النظرة الثاقبه وجعلها الله في ميزان أعمالك

والله بصراحه اختي انا دي اشتري لان سعر الباوند احين 5,53 والمشكله اخاف اني اخذ وينزل زياده واتحسف اذا كانت سفرتك احين اخذي احين اما اذا كانت سفرتج في الصيف فا انا انصحج واقول انتظري
تحياتي

اشكر جميع من افادني ..
شكراا لك اخ حدي مصر ..
الله يجزاكم الخير ..

نصيحه لا تشترين أبدا ألحين ألا أذا كنتي مسافره ....
أما أذا ناويه تصرين تاجره بهذه العمليه ماكو فايده منها لأنه المشكله قادمه وليس منتهيه مثل مايتصور البعض ....
بعدين أخاف تصير تجارتك مثل تجارة حسين بن عاقول ( ألف حذاء كلهم يسار ..!

اضم صوتي للاخ حدي مصر اذا انتي ناويه تسافرين هالكم شهر حولي اذا لا ماانصحك لان الازمه مطوله ويبي لها سنوات على فكره !! مهب هالكم شهر

انا بسافر في الصيف ماراح استعجل بصبر زي ما قالوا الاخوان شهرين او ثلاثه وان شاء الله ينزل سعره بالتوفيق