قبل مانعطيك شورنا ...انتي عطينا تفصيل عن مطعم فريج صويلح وين موقعه بالضبط ويصلح للعوائل ولا لا
ولك جزيل الشكر والتقدير

مطعم فريج صويلح في الكويت قريب من المارينا مول على الكورنيش
طبعا ينفع للعوائل لانه فيه كباين للعائلات
تحياتي لك

بالطبع هناك الكثير من المطاعم العائليه في البحرين ولكني لا اعرف مطعم فريج صويلح حتى اقارن.
اهلا وسهلا بكم في البحرين

ياليت احد يعطينا وصف للمطاعم الشعبيه وتصلح للعوايل مثل (مكبوس سمك) والوصف يكون دقيق وطحين ههه
تقبلل مروري

عذايب قطر
حياج الله اختي ... ومتأسفة جدا على التأخر في الرد ...
حياكم الله في البحرين ...
المطاعغم الشعبية ... للأسف ما تتواجد بالشكل اللي تفضلتي ووصفتيه ...
بس في (( مطعم الصواني )) وهو مطعم يقدم اكلات شعبية .. لكنه مصنف 5 نجوم وتتبع إدارته لأحد الفنادق ... وموقعه قريب جدا لمتحف البحرين الوطني ... جلسته حلوه .. بس أسعاره مرتفعة ...
أما بالنسبة عن فندق الريتز .. إذا الحجز بيتم عن طرق شركة الريتز أو موقعها على النت .. فالأسعار موحده ..
أما إذا بغيتي تجربين تحجزين عن طريق وكالة سفر عندكم ... احتمال تحصلين سعر أفضل ..
الاحسن انج تدخلين موقع الريتز وتشوفين الأسعار وتقارنينهم بأسعار وكالات السفر ...
وحياج الله عزيزتي ..

الغاليه كفت ووفت

عذايب قطر
شوفي اختي
فندق الريتز هو الافضل والارقى في البحرين ..
فندق كلاسيكي جوه رومانسي .. على البحر منظر البحر اينن للاسف الجو مايسمح حق سبوح .. لكن برج داخليه دافيه .. اللوبي وسيع والكوفي شوب مالهم راقي .. من عقب 6 المغرب اتيي عازفة البيانو والني تعطيج جو ولا اروع ..
انزين انيي حق مطعم فريج صويلح طبعا انتي تقصدين اللي في الكويت ..
عندنا وايد منه مع اختلاف انه المطاعم الشعبيه اللي عندنا ماتصلح حق عوايل يعني بس حق شباب للاسف ..

اهلين اخوي
بصراحه انا انصحك وان شاءالله راح تدعيلي بمطعم ملح وزاد الفرع الي بشارع المعارض خلف عماره التأمينات بجانب مركز شركة زين ولاتجرب غير هالفرع لان في فرع ثاني بشارع المعارض ما انصحك فيه
بصراحه هالمطعم اكل عراقي على مستوى راقي وتعاله الظهر لان بعد العصر اغلب الاكل يكون مخلص وخاصه الطبخات الشعبيه . وبالعافيه عليكم

افضل الحجز عن طريق الموقع الرسمي
المطاعم الشعبية بصراحة اختي ما فهمت قصدك لك راح احاول افيدك باسماء مطاعم رائعة جدا " من ناحية الطعام طبعا " في البحرين
عندك مطعم و مقهى ليالي زمان " على الكورنيش " بجانب يم يم تيري تيري و بجانب النادي البحري بصراحة مطعم شعبي يقدم مأكولات مصرية جدا متميزة و جلساته و ان كانت عادية جدا فيميزها مكانها على البحر و الهدوء و اغلب مرتاديها جدا محترمين ... ممكن وجود الشيشة قد يعكر الاجواء لو كنتو غير مدخنين لكن فيه اماكن مكشوفة للبحر بعيدة عن هالروائح و اسعاره جدا رخيصة بدرجة غريبة و افضل اكلاته " الفول الشعبي المصري - الكشري - ام علي - الكبدة الاسكندرانية - المشويات - السمك المشوي ... " الخ
ايضا مطاعم الابراج و لها اكثر من فرع بالبحرين رائعة من ناحية الاكل
عندي اسم مطعم للاسف الكثيرون قد يعارضوني فيه لكن انا جدا انبسط في اكله و اشوفه رائع " بس ايش سبب كره الكل له الله اعلم " مطعم مرمريز امام ضاحية السيف ... صراحة اكله طيب " مو بطال " ابدا بس كل ما اقول لاحد نروح نأكل في الكوفي شوب " اريزونا " بجانبه يرفضون و بشدة رغم انه اكله طيب