وعليكم السلام اخوي ابو عزوز افضل معهد Ef بالنسبة لي لانه الاقوى وشكرا

AHMAD598
بس اني سمعت انه اهتمامه بالرحلات اكثر من طريقة ايصال المعلومة بشكل افضل ؟؟

والله يالغالي بهاذي مادري بس هو معهد عالمي ومعروف جدا حتى لو تروح لوكالات السفر يقولك ef هو الافضل

اي اف هو الأغلى
وما تلقى عند مكاتب السفر الا هو وهذا يكون سلبي من ناحيتين
1- تكدس السعوديين لتوفره بكثرة في المكاتب
2- سعره غالي مقارنة بالمعاهد الأخرى وربما تكون الفائدة المالية للمكتب اكثر وكذا اكيد راح يمدحونه موظفين المكتب وذلك لمصلحتهم
وبعد البحث والتحري عن اكثر المعاهد مدحا من قبل الأعضاء سواءا كان هنا او في منتديات اخرى في بورمث
( يوروسنتر - انجلو كونتينتال - بيت سكول - ريتشارد - بي بي اس اي ) طبعا الترتيب عشوائي وليس بالافضلية
وبالتوفيق لك

والله يالغالي معهد ef مدحه لي واحد من الشباب وبيني وبينك انت صادق وكلات السفر ماعندهم الا هو ويمكن علشان الفلوس لانهم عطوني عرض دراسة لمد شهر 16000ريال مع السكن في لندن ورفضت ويوم رفضته اتصلوا علي وقالو 12000ريال و على العموم اخوي الله يوفقك ان شاء الله

أخوي إذا مصمم خلاص ، فخذ مني
أولا: مدرسة بيت ، هي الأفضل
ثانيا ، ريتشارد
ثالثا : مجموعة أخرى من المدارس مستوياتها متقاربة ، وهي
انقلو يوروبيان ، يورو سنتر ، كينجز سكول
وجميع المدارس المذكورة أعلاه في منطقة متقاربة ، ويسهل الوصول إليها ، وقريبة من شارع التشارمنستر اللي فيه ما يحتاجه الدارس العربي من بقالات ومطاعم حلال وغيرها .
بعدين فيه مجموعة كبيرة من المدارس في وسط المدينة ، منها إي إف ، و بي بي إس وغيرها ، وهذي مستواها عادي
ملحوظة : فيه مدرسة صغيرة ، وتعتبر من أرخص المدارس في بورموث ، ومستواها جيد ، اسمها كابيتال
يعني احسب نصف التكلفة في المدارس الثانية أو أقل ، ومستواها لا يقل عن أفضل المدارس
ملحوظة : ما لك ومال التسجيل عن طريق المكاتب ؟
يا أخي ادخل على موقع المدرسة ، وشيك على الكورسات واختر منها اللي يناسبك ، وشف الأسعار ، وسجل عن طريق موقعهم ، ووفر قريشاتك اللي راح يلهفها المكتب .

شكرا على الرد الطيب والله يعطيك الف عافية طيب اخوي اذا سجلت وخلصت راح يطلبون مني المبلغ ادفعلهم والا لا واذا دفعتلهم وش الضمانات وش رايك انت

ادفع لهم اخوي ولا عليك باس
حول المبلغ لحسابهم ، وأغلب الناس تسوي كذا يال الحبيب ، وترى الأمر عادي
وفلوسك محفوظة ولا عليها خوف
,اي خدمة حول بورموث ( أو غيرها أقدر عليه ) ترى بالخدمة بس آمر
حتى لو بغيت أراسل لك أية مدرسة تبغاها ، وأحجز لك ترى ما فيه مانع

يعطيكم العافيه اخوي بوعزوز على هالسؤال لأن أنا بودي بعد أعرف أفضل المعاهد ببورموث واخوي ناعوس شرايك بمعهد WESTBOURNE ACADEMY أنا راسلتهم وقالولي إن نسبة العرب فيه 11 وسألتهم عن السكن مع عائله من طرفهم قالولي إن جميع العوائل محجوزه ولازم أدور عائله من طرفي .. والأخ ملبورن كان يمدح هالمعهد كثير .. فيريت تعطوني رايكم لأن أبي معهد قوي وحلو