حياك الله اخوي..
في شقق رامي يم شقق الجابرية الصراحة ماعرف اسعارهم
ويكونون في منطقة الجفير وهالمنطقة وايد فيها شقق وباسعار حلوة
بخصوص العرين مادري والله
وعندنا السوق الشعبي في مدينة عيسى ووراه رامز
للعبي والبخور..
سوق المحرق
وبوكوارة فالرفاع
وجدعلي في مدينة عيسى
وسوق الرفاع الشرقي
وسوق واقف في مدينة حمد
ورامز موجود في المحرق عقب جمعية الاصلاح اظن
وموجود في المنامة
وله فرع ايضا في الرفاع
م محل مثل الهرم والله ما يحضرني اسم محل الحين
وعلى فكرة عندنا معرض الخريف ممكن تروح وتحصل البخور وكل شي والزعفران بعد
في ارض المعارض ...
اقامة سعيدة..

احسن مكان للعبي وين ويكون موديلات جديدة واسعار حلوة ....ابي وصف للمنطقة واسم المحل ومشكورين مقدما

وايد في محلات للعبي
واسعارهم حلوة خصوصا في سوق المحرق وايد محلات
مو ذاكرة اسامي المحلات بس ترى كلهم جنب بعض
وفيهم موديلات حلوة واسعارهم رخيصة ..

شقق رامي ماهي عائليه
في الكثير من الشقق العائليه بالجفير واسعارها مناسبه مثل الجابريه والفارس ..