السلام عليكم ورحمة الله وبركاته::
في غالب الامر..تتم زيارة سويسرا ..وبعض المدن في الدول المجاورة.
مثلا باريس في فرنسا
ميلان في ايطاليا
مدينة الالعاب اليوروب بارك في جنوب المانيافإذا كان طلبك فرنسا ..هل تناسبك باريس؟؟ بامكانك الذهاب لها من جنيف بالقطار او بالطائرة.في طلبك للمدن المذكورة والمراد زيارتها ...الغالب منها قريب جدا من بعض.فالافضل تحديد مدينة تعتبر نقطة انطلاق .
مثلا :
ديفون

وتزور من خلالها : جنيف ولوزان ومونترو وشيكسبرغ وايفيان وشامونيه وأنسي وتواريه
والثانية تكون انترلكن.
لزيارة الانشطة اللي في زيورخ ولوزيرن وقرية هايديخمسة ايام في ديفون
أسبوع في انترلكن
يومين في تواريههل عندك رغبة بزيارة اليوروب بارك ..مدينة الالعاب؟؟

او شوف هذا المخطط التفصيلي:الوصول الى جنيف والسكن في لوزان يومين
انترلكن أسبوع
مدينة الالعاب اليوروب بارك يومين
أربعة ايام في تواريه الفرنسية.لكن بإضافة باريس...راح تكون:
الوصول الى جنيف والسكن في لوزان يومين
انترلكن ستة ايام
ثلاثة ايام في تواريه الفرنسية
أربعة ايام في باريس.أنشطة انترلكن في اسبوع : راح تكون يوم في لوزيرن ويوم في زيورخ ويوم في هايدي لاند وما جاورها من الانشطة ويوم في زيرمات وباقي الايام راح تكون في انشطة انترلكن نفسها ..من زيارة للقمم والبحيرات والشلالات ووخلافه.

السلام عليكم مشكور اخي الكريم Medo 77 على اهتمامك المميز بكل محتاج للمساعده في المنتدى وبالذات في هذة البوابة ومبروك عليك الشهر وجعلك الله من صوامة وقيامة واسأل الله ان يجعلها في موازين حسناتك
اعجبني كل ما اشرت اليه في تعديل البرنامج وشورتك وهدايت الله فعلا نصيحتك باختيار نقط انطلاق هو الاصح وهذا بقلل علي عدد الفنادق الي راح ابحث عنها بس بحتاج احسب المسافات بين المدن الي بزورها من كل نقطه عشان اعرف كم من الوقت بتاخذ مني بالسيارة ومادري هل تأيدني في استخدام السيارة بسفرتي كلها والا لا.
وهم عندي استفسارين معلش ادري يمكن ثقلت عليك بس مالنا الا الله ثم امثالك
الاول / مادري كيف طريقة الصرف هناك هل باستخدام بطاقة البنك اي اني كل ماحتجت سجبت من اي الة صراف وخلاص يعني كني في السعودية والا تنصحني اخذ كل فلوس السفره كاش واذا كاش هل اصرفها يورو والا فرنك .
الثاني/ ممكن تنصحني بفنادق واكواخ من الي مواقعهم مميزه عشان احجز فيهم في الايام الي بكون فيها هناك
ولك جزيل الشكر والتقدير
تقبل الله صيامكم وقيامكم

مبارك عليك الشهر
عن اذن اخوي ميدو
من ناحيه الصرف تختلف من شخص الى آخر
انت شف وش اكثر شيء راح تقعد فيه
واصرف سواء يورو او فرنك
وخذلك شويات صرف والباقي بالفيزة لانه اضمن بعد الله
السياره من اهم الاشياء في اوربا بدونها تفقد كثير من المتعه
لو القارمن حقي مو محجوز هذا الوقت والا كان عطيتك اياه
بالتوفيق

الله يبارك فيك اخوي ويتنس ..ويتقبل منكم صالح الاعمال.
اولا ....ما قلت لي وش مخطط له ,, اي مخطط مناسب لك.؟
اللي فيه باريس ولا اللي فيه مدينة الالعاب .؟؟
ولا راح تخليها سويسرية + ارياف فرنسية...؟؟
بالنسبة للمسافات ...هذه لا تشيل همها ابد ..اعتبرنا احنا اللي طالعين.
ما راح تكون المشاوير طويلة ..كلها في محيط 50 كم واقل يوميا.
والمسافات بين المدن ما راح تعدي 400 كم ...في أسوأ الاحوال.
السيارة مثل ما تفضل اخونا الكيوت ..نص متعة الرحلة..ولا فيها خطورة ...الخطورة وربي عندنا ههه
لأن على اساسها نحدد التواريخ ..من وصول ومغادرة ..ومن توفر للفنادق الزينة.
في انتظارك يالغالي.

الف شكر لك اخي كيوت وعساك ذخر ان شاء الله كفو والله يالنشمي
والشكر موصول لاخي العزيز ميدو الي بصراحه اول من بدى يشيل عني هم الرحله
والبنسبه للاختيار توكلت على الله القدير وبخليها سويسريه + ارياف فرنسيه باذن الواحد الاحد
ورحلتي تأكدة كالتالي / الوصول الى الى جنيف يوم الثلثاء 21 اغسطس الساعة 13:45 والمغادرة من نفس المطار يوم الخميس 6 سبتمبر الساعة 15:15
عاد والباقي عليك ياميدو الترتيب عندك وانا اخوك باستنى الرد على احر من الجمر
ولكم جزيل الشكر والعرفان ياخوان

الله يسلمك اخوي ويتنس..وابشر بعزك يا غالي.16 يوم
لكن هل هذا المخطط تمام يناسبك؟؟
الوصول الى جنيف والسكن في ديفون لمدة يومين.
انترلكن ..أسبوع.
كونستانس يومين
مدينة الالعاب يومين
ثلاثة ايام في تواريه الفرنسية ...او أنسي.او مخطط اخر.
الوصول الى جنيف والسكن في ديفون لمدة يومين
انترلكن اربعة ايام
لوزيرن أربعة ايام
لوقانو ثلاثة ايام
أنسي والريف الفرنسي ثلاثة اياماخوي الله لا يهينك ...لابد من قراءة الدليل السياحي السويسري المثبت في البوابة.
واخذ فكرة عن المدن المذكورة.
https://artravelers.com/p/re/51030
احتمال توجد مدينة او قرية تعجبك وودك تزورها.
هل مدينة الالعاب مهمة بالنسبة لك.؟.هذه بعض النقاط والاسباب لأختيار المدن المذكورة فوق.
يومين اللي في ديفون لزيارة لوزان والتمشي في جنيف.
انترلكن العديد من الانشطة موجود فيها..وعندك خيارين ..السكن فيها لمدة اسبوع ..وتكون زيورخ ولوزيرن ضمنها.
او تفصيلها اربعة ايام في انترلكن واربعة في لوزيرن.
زيرمات تحتاج يوم كامل من انترلكن.
هايدي لاند بإماكانك زيارتها من انترلكن او من لوزيرن...ولوزيرن افضل.
زيورخ من لوزيرن اقرب.
شلالات الراين وكونستانس اقرب الى لوزيرن.
لوقانو ..جميلة ..وبإمكانك زيارة ميلان لقربها منها...ويوجد بالقرب منها وادي فيزاسكا ومصنع الشوكولاتة ألبروز.
مصنع الشوكولاتة نستله بامكانك الذهاب له من انترلكن.
اعلى قمة في اوروبا قمة الينفيرواخ اقرب الى انترلكن.
مدينة الالعاب في جنوب المانيا تحتاج يومين...الملاهي بمثابة ديزني لاند اللي في باريس.
كونستانس يوجد بها متحف الحياة المائية بالاضافة الى جزيرة الورود انسل ميناو.
السكن ليس مهما في وسط انترلكن ..بإمكانك السكن في احدى القرى المجاورة ..مثلا لوتربرونن او جريندوالد او برينز او ثون.
اغلب الشقق والاكواخ تكون متوفرة اسبوعيا بداية من يوم سبت او احد...وبإمكانك التأكد على هذا الموقع http://www.interhome.com
وهذه الشقق تكون في الغالب ارخص من الفنادق.
الخ..
هذه بعض المعلومات البسيطة ...لكن الاهم تحديد المدن والايام فيها ..عشان نبدأ بالتخطيط اليومي لأهم الانشطة في كل مدينة او قرية.
وفي انتظار ردك يالغالي.

اخي ميدو 77 لك مني جزيل الشكر والتقدير لما تقدمة لي ولاخواني في هذا المنتدى من مساعدة ولك منا ان شاء الله الدعاء
بصراحه من كثر ماقريت بديت اضيع واتلخبط
بس بقول الي عندي
بالنسبه لمدينة الالعاب مو مهمة ابدا وزي ماذكرت في الاول نحن نبحث عن الطبيعه وجمالها حتى في اختيار السكن نتمنى يكون بين هالطبيعه الخلابه قدر الامكان
وسبب اختياري السابق لمسار الرحله كان لاني ابي اغطي اغلب المدن و الاماكن السياحيه في سويسرا وكان مساري كالتالي ولك خيار التعديل والحذف حسب ماتراه مناسبا
جنيف. لوزان. كليلي. شيبركس. منتيرو. لوزيرن. زيورخ. ماينفيلد. انتر ‌كن. ايفيان. شامونية. جنيف
السكن في جنيف مو مهم لاني افضل يكون في الارياف وجنيف بكون سهل انه نتمشى ونشوف الاماكن السياحيه فيها بالسيارة من المكان الي بنسكن فيه
لك ان تقترح اماكن السكن وعدد الايام بس انترلاكن بتظل اسبوع ومادري كان اختياري اني اسكن هالاسبوع في احد القرى والاغلب يتفق انه جريندوالد هي الاجمل عشان كذا تم اختيارها. بس وين اسكن ومتى مابعد احدد
بالنسبه ايام الاخيرة يهمني اكون قريب من المطار عشان ارجع السيارة وخاصه انه رحلة العودة في وقت قريب من تسليم الغرفه.
اعرف بيكون التعب عليك كبير في اختيار المدن والاماكن السياحيه في كل مكان وهم السكن بس والله اخوك محتاج وقفتك معه في هالسفرة وانت والاخونان شاء الله مو مقصرين.
ولكم جزي الشكر