ان شاء الله الشباب يفيدونك

حياك الله اخوي دام ان السكن موجود وسائق بعد الباقي يهون 14 يوم قسمها على النحو التالي 8 ايام في الجبل وتتم فيها زيارة الاتي :
1/ حديقة السفاري
2/ حديقة الزهور والفراولة
3/مزارع الشاي والبرشوت وبحيرة الالوان ( كلها جنب بعض والمشوار كله ما راح ياخذ منك 3 ساعات )
4/ شيبوداس ( او حديقة الشلال الكبير ) تستحق الزيارة اكثر من مرة وتقدر تطبخ غداك هناك وتضبط الشاي والقهوة
5/ بحيرة الليدو ( بما انك اول مرة لابد من زيارتها واخذ قارب ياخذك في جولة بحدود ال 300 الى 350 الف ولا تدفع له اكثر من كذا وتمر المطعم واذا اعجبك الاكل اطلب منهم وكل في القارب بس لا تنسى تكاسر المطعم بالسعر بعد )
6/ حديقة الشلالات السبعة ( من وجهة نظري تعتبر متعبة جداً للشباب فما بالك للعوائل ولا انصح بها لكن اذا بغيت تمرها فهي ليست بعيدة عنك )
يومين في باندونق : تزور فيها الاسواق المتميزة وشارع الجنز تلقى فيه الجلديات من شنط وغيره ولا تنسى الموية الحارة تستحق التجربة زيارة البركان ( بس يبي لها واحد نشيط لان فيها مشي كثير ) 3 ايام في جاكرتا : يوم كامل للانشول ( يوجد فيها رحلات بحرية ومدينة الالعاب دنيا فانتزي والحديقة المائية ومطعم بندر جاكرتا للاكلات البحرية مع تحفظي على هذا المطعم من ناحية اسعاره ومستوى نظافته) يوم كامل للتسوق والخيارات هناك كثيرة بين الاسواق الفخمة والاسواق الرخيصة اخر يوم الاستعداد للرجوع للوطن اتمنى اكون وصلت لك لو جزء من الفكرة للتنقلات والاماكن هناك

ما قصر مشرفنا الغالي وبالنسبة لتسجيل الجوازات بالسفارة السعودية من رأيي ضروري طالما الطريقة صارت سهلة ولا تحتاج الذهاب للسفارة وانا جربتها هناك وهذه هي الطريقة والشرح للخطوات
https://artravelers.com
وإذا السكن متوفر وجاهز في الجبل يمكنك الذهاب مباشرة للجبل اذا كان الوصول في غير يومي السبت والأحد بسبب الزحمة