قحطانيه
12-10-2022 - 04:40 pm
السلام عليكم
انا مسجله من زمان بهالمنتدى الرائع بس هذي اول مشاركه لي بعد 10ايام تقريبا رايحه للبحرين وابي منكم المساعده من اصحاب الخبره من حيث الاسعار في هذه الفتره
والجو ونوع الملابس:11ld:
وافضل مكان للسكن
وافضل الاماكن اللي تستحق الزياره لان الاقامه7ايام فقط
ادري طولت عليكم بس انا محتاجه المساعده لاني ما اعرف شي بالبحرين
ومشكورين مقدما:smile125:
وعليكم السلام ورحمة الله وبركاته ...
حياج الله أختي ... ونتشرف بوجودج بيننا في المنتدى ... ونتشرف بزيارتكم لنا في البحرين أكيد ..
الأسعار عزيزتي ..بالنسبة للسكن ... بتكون زي هالأيام .. لأن ديسمبر يعتبر شهر إجازات وأعياد ... والأسعار تزيد ليلة رأس السنة عادة ... بس لازم تشوفون انتوا وين راح تسكنون ...
الجو حاليا بارد ... تحتاجين جاكيت خفيف أو شالات ... بس بعد 10 أيام احتمال يكون برد أكثر .. وبرد البحرين يحتاج ملابس ثقيلة .. بس قبل لا تجون شوفوا النشرة الجوية .. عشان تحسبون حسابكم ..
الأماكن اللي تستحق الزيارة كثيرة ... زوري الدليل السياحي للبحرين ... وبتلقين الكثير من المواضيع المفيدة والممتعة ...
وشوفي هالروابط بعد:
وحياج الله أختي ..