آختي الفاضله آدخلي علي هذا الرابط آن شاءالله تستفيدون
https://artravelers.com/p/re/421429

يا هلا بك اختي
واتمنى لك المتعة في مانشستر
سكنكم حلو اذا بالسنتر يعني كل الاماكن قريبة منكم
وعندك ست ايام لا تخلينها كلها بمانشستر لان مافيها الشي الكثير يعني تتخلص كلها في يومين
اول يوم خليه تمشية في نفس السنتر فيه اسواق و فيه مجمع الارنديل وفيه ايضا عجلة مانشستر مثل لندن آي بس مصغرة
تقدرون تروحون بالباص المجمعات فيه مجمعين واحد اسمه ستي سنتر وواحد ترافورد سنتر وهو الاكبر والاكثر شهرة ويقال عنه انه اكبر مجمع في اوروبا رغم اني اشوفه صغير بالنسبة لمجمعاتنا ههه وقريب من المجمع يوجد نادي مانشستر اذا لكم اهتمام بالكورة تقدرون تاخذون جولة سياحية بالنادي
ثاني يوم في حديقة تروحون لها بالباص شوفيها بتقريري كتبت اسمها والحين رايح عن بالي هي مرة رايقة وحللوة جدا فيها بحيرة وفيها قوارب تقدرين تستمتعين بركوبها
يوم ثالث خذوا القطار او استاجروا سيارة لمدينة بلاك بول مرة جميلة مدينة بحرية وفيها ملاهي رائعة و فيها البرج المشهور اللي ماخوذ منه تصميم برج ايفل وسيرك رائع لا يفوتك
اليوم الثالث بالقطار او السيارة روحوا منطقة البحيرات جميلة جدا جدا منطقة ريفية و روعة
فيه ايضا اوت لت سوق مخفض قريب من مانشستر بس للاسف انا ما زرته ولا اعرف طريقة الوصول له
ايضا منطقة ليفربول تقدرون تروحون لها بالقطار نص ساعة تقريبا من مانشستر فيها نادي ليفربول
لو تروحون لندن يومين حلو بعد عشان ما يفوتكم شي
انشالله اكون قدرت افيدك واطلعي على تقريري فيه مانشستر و الاماكن القريبة اللي زرناها وفيه ايضا منطقة البحيرات وفيه لندن

أبوعبدالله https://artravelers.com/p/re/421429
جزاك الله خير

مسافرة عبرالزمن
جزاج الله خير على الوقت اللي عطيتيني اياه
صراحة انا شفت تقريرج ومن كثر ما عجبني دودهني
ماعرفت شلون احجز التاكسي ، وشنهي التذاكر .. مادري حسيت اني لازم اسوي جدول خطوة خطوة
ان شاء الله بعتمد على تقريرج بالاضافة الى النقاط اللي ذكرتيه في ردج
مشكورة يااختي

maruuma
حاضرين اختي اي خدمة انا موجودة
ماادري تقصدين اي تاكسي ؟ حق المطار او داخل مانشستر ؟
اذا داخل مانشستر بكل شارع تلقين تكاسي وبمحطات القطار في لوحات ارشادية تدلك على مكان التكاسي
والتذاكر ماادري وش اللي تقصدينها بس اذا هي حقة الباصات من نفس الباص تشترين التذكرة وهو بيسالك تبين حقة يوم كامل او حقة مشوار واحد
اي سؤال لا تترددين اختي بالعكس تسعدني المساعدة اذا كنت اقدر عليها

السلام عليكم ورحمة الله وبركاته
رجعت لكم لان مالي ومافي احد غيركم يفيدني .. والسفرة قربت .. وابي انظم كل شي بمساعدتكم
انا بحط تصوري للرحلة .. وانتوا اذا لقيتوا شي ناقص او محتاج تعديل او نصيحة فديتكم لا تقصرون
اول يوم بنوصل بيكون يوم الجمعة الصبح الساعة 7 ونص .. يعني لين انخلص من اجراءات المطار بتكون الساعة 9 .. بنروح الفندق وبنحاول انخلي شنطنا عندهم لين وقت الدخول الساعة 12 مادري 2 .. فهذه الفترة ما عرف شنسوي .. نطلع نتمشى مثلا .. ووين نروح بالضبط .. اذا في اقتراحات لهذا اليوم ياريت اسمعها منكم .. مثلا تمشية او روحة مجمع مثل اودين
طبعا بنرد منهد حيلنا بسبب الرحلة والدوراة المقترحة منكم
اليوم الثاني بيكون السبت .. في بالي اروح لندن .. شلون اروح باص والا تاكسي ؟.. خاطري اروح متحف الشمع .. بس مادري اذا مفتوح يوم السبت
ابي اتريق في مطعم بيروت اكسبرس .. واتغدى مطعم كولبة الإيراني
وابي اروح سوق السبت ، وشنو اقتراحاتكم بعد .. مب مشكة ارجع اليوم الثاني اذا احتجت اروح اماكن سياحية مقترحة منكم .. بشرط اني ارجع مانشستر على المغرب ..
يوم الاثنين بتكون سياحة في مانشستر : ابي اروح بلاك بول ممكن اعرف شلون اروح لها يعني في باص معين او اطلب تاكسي من الفندق
يوم الثلاثاء سياحة في ليفربول .. شنو اقتراحاتكم اهم شي ارجع المغرب (شاملة اماكن سياحية وفطور غدا بالاضافة لى طريقة الروحة والرجوع)
ويوم الاربعاء بنكون بعد في مانشستر :الذهاب الى ترافورد سنتر تطلع له بباص 250 من الباص ستيشن والعشا او الغدا راح يكون في ترافورد فية عندك ناندوز عندهم دجاج مشوي لا يفوتتك وفية مطعم هندي اسمة شيريخان عندهم بوفية بعد حلو مرة
مطعم ناندوز ومجمع ميرسي واي
جزاكم الله خير على كل مساعدة ما تبخلون بها على احد

up up up
up up
up
صج وماعليكم أمر
ابي رقم شخص موثوق فيه علشان التوصيل

عاد انا محتاجتكم الحين وايد