alkuwaity
26-12-2022 - 03:31 am
السلام عليكم ورحمة الله وبركاته
كيف حالكم اخوانى ان شاءالله بخير
انا ان شاءالله ناوي اروح لسويسرا وزلمسي هالسنه هذى انا والمدام وبناتي الصغار اعمارهم 5 و3سنوات
لو ماعليكم امر ابي تخطيط ححلوو بالفنادق والاماكن الحلوه ان شاءالله راح اسافر بتاريخ 25-6 والعوده 10-7 يعني اسبوع سويسرا واسبوع زلمسي
وابي اعرف لو بروح من سويسرا اول زلمسي الى لندن شلون واول شي اروح لسويسرا او زلمسي لاني ناوي اقعد بكل دوله اسبوع بالنسبه الي لندن انا عارفه وعارف الاماكن بس ابي سويسرا والنمسا
ولو تعرفون سواق هناك يعرف يخطط لنا رحلات من هناك الله لايهينكم لا تبخلون علينا
والجو في هذا الوقت بارد ولا حار لانكم عارفين في اطفال
ومن لا يشكر الناس لا يشكر الله
وجزاكم الله خير
نقول تطب الطياره بميونخ بالمانيا وتأجر سياره من الشركات الكبار وتروح زل ام سي بالنمسا تبعد ساعه ونص بالسياره
السياره في زل ام سي ضروريه والمانيا ارخص بالايجار بالسياره وفرق كبير
تتمشى بالسياره بزل ام سي لمده اسبوع وبعدها تحرك الى سويسرا قرابه 5 الى7 ساعات على حسب المدينه اللي تبيها بسويسرا ناهيك عن الطريق بين زل ام سي وسويسرا بين جبال الالب ومناظر حلوه انا جربت الطريق هذا مرتين والصيف هذا المره الثالثه وامش فيه بالنهار لانك تبي تشوف شي ماقد شفته بحياتك
وتقعد بسويسرا فيها اسبوع
زيورخ جنيف وانترلاكن واذا تبي معلومات اقرى مواضيع الاخوان تراهم مومقصرين بالتقارير عن كل قريه ومدينه في سويسرا علشان تختار اي مدينه تقعد
ونصيحه مني لك أنترلاكن وبس زبده سويسرا وصايره بنص سويسرا وتروح منها الى اي مدين ثانيه بسويسرا
اما رجعتك فا تسلم السياره بمطار زيورخ وتطير منها الى لندن
البرتش ايرويز مسوين خصم 20% بين الرحلات داخل اوربا
انا توني مشيك السعر على البرتش زيورخ لندن ون واي يطلع عليك 50 باوند انجليزي مايعادل 27 دينار للشخص البالغ