اخوي الغالي ..
اولا في نقطتين : الاولى اذا كان نوع الغرفة المحجوز عليها غير مسترجعة القيمة بمعنى انه مكتوب بجانب نوع الغرفة ( Non-refundable ) .. فهذا يعني انه في حال الالغاء يتم خصم المبلغ من البطاقة ..
النقطة الثانية لازم تتأكد من سياسية الفندق في الالغاء .. بمعنى انو بعض الفنادق تسمح لك بالالغاء قبل الوصول بيوم .. وبعضها بيومين او اكثر .. وبعضها بسبعة ايام .. وبعضها يقولك اذا الغيت قبل يومين ناخذ منك مثلا 50% من الاجمالي .. واذا الغيت قبل بسبعة ايام ناخذ منك 30% من الاجمالي .. وهكذا .. وغير كذا ماراح ياخذو شي ..
فلازم تتاكد اولا من نوع الغرفة هل مسترجع اولا .. وثانيا تتاكد من سياسة الفندق في الالغاء ..
واذا واجهتك مشاكل عطني اسماء الفنادق وانواع الغرف بالضبط والتاريخ وانا اشوف لك ..

هلا اخوي
على حسب حجزك بعض الغرف تسحب المبلغ مباشرة اذا كان في شروط الحجز السعر غير مسترجع واحيانا لا يكون عندك امكانية الالغاء الى يوم الوصول ..
تاكد من فاوتشر الحجز فيه شروط الغاء الحجز ، لكن غالبا فنادق زيلامسي يخصمون مبلغ اذا كنسلت الحجز ..

مشكورين اخوني على ردودكم ويعطيكم العافيه
بالنسبه للغرف اللي انا حاجزها كلها ماعليها اي عروض وكنت حريص من هذي الناحيه .. كلها غرف ستاندرد
الاخ بيمو .. اذا تبيني اعطيك رقم الحجز ماعندي مشكله بس مش على العام .. كيف الطريقه ؟

الاخ بيمو لحظه شوي اكتب لك اسماء الفنادق وباقي المعلومات

الفندق الاول Hotel Bellevue
في لوزيرن
نوع الغرفه room1 - Double room
التاريخ من 12 اوقست الى 15 اوقست
الفندق الثاني Rex Swiss Quality hotel
في زيورخ
نوع الغرفه room1 - Double room
من 15 اوقست الى 17 اوقست
الفندق الثالث Hotel best western Diplomate
في جنيف
نوع الغرفه room1 - Double twin room
من 5 اوقست الى 7 اوقست
الفندق الرابع Brienzersee
في انترلاكن
نوع الغرفه room1 - Double room - lake view
من7 اوقست الى 12
الفندق الخامس Holiday inn munich city center
في ميونخ
نوع الغرفه room1 - standard room - breakfast
من 17 اوقست الى 21 اوقست
الفندق السادس Feriengasthof tauernstuberl
في زيلامسي
نوع الغرفه room1 - Double room
من 13 اوقست الى 17 اوقست
وعلى فكره كلهم مع الفطور

عزيزي الغالي ..
اذا كل حجوزاتك من غير عروض ( يعني من دون شرط غير مسترجعة القيمة ) فانوا الوضع كالاتي بناءً على سياسة كل فندق للالغاء :
فندق لوزيرن .. تنكسل طبيعي من غير خصم لانو فترة السماح بالالغاء الى يومين قبل الوصول
فندق زيورخ .. تنكسل طبيعي من غير خصم لانو فترة السماح بالالغاء في نفس اليوم
فندق جنييف .. تنكسل طبيعي من غير خصم لانو فترة السماح بالالغاء الى يومين قبل الوصول
فندق انترلاكن .. تنكسل طبيعي من غير خصم لانو فترة السماح بالالغاء الى يوم قبل الوصول
فندق ميونخ .. تنكسل طبيعي من غير خصم لانو فترة السماح بالالغاء في نفس اليوم
بالنسبة لفندق زيلامسي .. يمكن انت ما انتبهت لسياسة الفندق للالغاء وهي :
اذا تم الالغاء قبل 30 يوم من الوصول فانه يتم خصم 30% من القيمة الاجمالية
اذا تم الالغاء قبل 14 يوم من الوصول فانه يتم خصم 60% من القيمة الاجمالية
اذا تم الالغاء بعد ذلك فانه يتم خصم 80 % من القيمة الاجمالية
وانت حجزك في 13 اوقست .. يعني تم خصم 30 % من القيمة الاجمالية .. واذا على قولتك انك ما فعلت البطاقة .. فاعتقد والله اعلم انها تكون مديونة على البطاقة او الاسم ..
ارجوا اني افدتك وتكون الفكرة وضحت

فيه بعض الفنادق زي فندق فيشروت في زيلامسي لما تحجز من بوكينق يخصم 30 % من المبلغ دايركت ولا يرجعها
وهذي سياسة الفندق ومكتوب هالشيء في معلومات الفندق .. ويسمون هالشيء ايداع او ضمان