الخطوط اللي تروح
عندك البرتش اير ويز
لوفتهانزا
كي ال ام
طبعا اخترت لك الثلاثة هذي عشان فيها ترانزيت واحد بس
افضل سعر اتوقع بيكون كي ال ام
بالنسبة للفنادق
في ماربيا اسكن في البارسيلو 4 نجوم وفخم وممتاز جدا سكنت فيه 2008
ملقا ما يحتاج تسكن فيها لكن كل يوم بإمكانك تطلع من ماربيا لمنطقة
انصحك بإستئجار سيارة خصوصا اذا سكنت في في البارسيلو
لان البارسيلو جاي داخل منطقة سكنية ما يمر فيها التاكسي الا اذا طلبته بالتلفون
لكن انك تنزل وتنتظر كذا ما رح يجيك التاكسي مالك الا تكلم الرسبشن وتقولهم اطلبولي تاكسي
ويعطون التاكسي رقم غرفتك ويوم يجيك التاكسي يسألك انت غرفتك رقم كذا تقوله ايه عاد وتروح
عموما السيارة ضرورية جدا في ماربيا والجنوب الاندلسي
وبدون مبالغة اقولك ان الرحلة بتكون مالها طعم بدون السيارة لان المشاوير كثيرة هناك والتاكسي بيكلف عليك

عندك يالغالي بالنسبة لي افضل الشقق عن الاوتيلات في ماربيا
عندك في مجمع الاندلسية من افضل الشقق اللي دخلتها بحياتي وسيعة وادراة المجمع توفر لك وحدة تنظف لك الشقة وتحاسبها بالساعة
بالنسبة للشقة انا اخذتها في اوغست 2005
كان فيها غرفتين نوم وصالة ومطبخ كبير وبلكونة كبيرة تطل على مسابح وحدايق المجمع وقريبة من البورت بانوس وعشان تاخذ راحتك اكثر نسبة العرب في المجمع قليله مقارنة بعماير رفعت الاسد اللي في البورت بانوس
اتمنى اكون افدتك من ناحية السكن
ملقا نزلت مطارها بس مدري وش فيها بس ما اظن فيها شي
بالنسبة للطيران حنا كنا على الخطوط السويسرية

ولد الشانز اصلا لو بيروح من الحين الى قبل جون ما فيه عرب كثير
وترى بالنسبة للاسعار ترى من 2005 الى الحين ارتفعت الاسعار بشكل غريب جدا

اسف شباب كنت مسافر وتوني ارد ولاكان عندي فرصه ادخل علي النت
وشاكرر ردودك , , ,
عاد بشوف الردود واذا عندي اي استفسار بسئلكم شكرا مرة ثانيه ...

شباب يعني اخلي نقصه وصولي مربيه . . .
طيب ايش رايكم في اشبيليه . . .
ايش افضل الطرق من مربيه الي اشبيليه ؟ ؟ ؟ وكم تبعد عنها ؟ ؟ ؟ وكم يوم الواحد يجلس فيها ؟ ؟ وسيله التنقل الافضل
ايش افضل الطرق من مربيه الي ملقا؟ ؟ ؟ وكم تبعد عنها ؟ ؟ ؟ وكم يوم الواحد يجلس فيها ؟ ؟ ؟وسيله التنقل الافضل
واي وحدة منهم اخيها اخر محطه ويكون منها الي برشلونه ؟ ؟ ؟
ايش اريكم شباب . . . ارجوا الافادة وشكرا

حائل بعد حيي
هناك طريقين
طريق يمر برندة وهو جبلي
طريق يحاذي جبل طارق....وهو طريق جميل لكنه اطول من طريق رندة بقليل...
من ماربيا الى ملقا هناك طريقين
الطريق المحاذي للبحر وهو مجاني...لكنه كثير الأنعطافات والتعرجات ومزدحم قليلا
الطريق السريع وهو غير مجاني (ب3 يورو على ما اظن)لكنه اسرع
لكن اشبيلية وملقا...يمكنك الذهاب اليهم والعودة بنفس اليوم اذا سكنت ماربيلا...
اظن ان كنت مسافر لبرشلونة بالطائرة فلا فرق ان تكون من اشبيلية او ملقا

وش تبي بملقا احنا نزلنا مطار ملقا وعلى طول على ماربيا بالتاكسي مااحسها تستاهل الجلسه ماربيا تجنن
وبالنسبه للمسافه بين اشبيليه وماربيا رحنا بالقطار اعتقد ماتزيد عن ساعتين
اضيف للجدول مدريد اذا تقدر تخلي العودة منها