ما لك إلا الحلواه البحرينية. تقدر تشتريها من سوق المنامة أو سوق المحرق

مشكور (MHD85) على المرور
في انتظار بقية الاعضاء

هلا بيك اخوي بالبحرين
بخصوص هديه لامك ممكن تاخذ لها عباة معروف العبايات البحرينيه بحودتها وهذا بتلقاهم في سوق المنامه او المحرق
اما الجلابيات اذا تبي اشياء عاديه للبيت بتلقى في المنامه او لمحرق ااذا تبي شي ارقى ممكن تروح شارع البوكواره في الرفاع في اكثر من محل بتلاقي عندهم ديزاينات مختلفه باسعار مختلفه
وحلوى شويطر معروفه بالبحرين وبتلاقيها في كل مكان
وعندك بعد بويوسف للحلويات الشعبيه عنده اشياء حلوه مثل السمبوسه الحلوه والدرابيل محشيه حلوى او رهش وعنده الخنفروش مثل الدونت يمي يمي
واي شي ثاني ترانا حاظرين

مشكور اخوي (FANDA)على المشاركه الجميله
عزيزي انا ابي جلابيات للبيت انت تقول في المنامه او المحرق بس ممكن توصفلي المحلات وين بالضبط بالمنامه او المحرق واذا تدلني من مجمع السيف او الدانه او مسجد الفاتح اكون شاكر لك لاني ما ادل مظبوط بالبحرين

شوف عاد افضل محلات حلوى شويطر واشهرها هو ( محمد حسين شويطر) واللي يمه في سوق المحرق ..

شكرا لكم على التفاعل ياشعب البحرين الجميل بس اذا ممكن تدلوني على محلات الجلابيات للبيت ابي وصفه بشكل واضح اذ ممكن

اخوي عشان ما اضيعك في المكان في مجمع اللولو اول ما تدخل على يسارك في جلابيات الغريب حلو ممكن تشوفه اذا يعجبك شي اذا ما تندل مجمع اللولو اي احد اسئله راح يدلك

كثير الكلام
أخوي بصراحة ما أنصحك تشتري الا الحلوى والبهارات
اما الاشياء الثانية غالية جدا ولا تستاهل
سوقنا أرخص بكثير
ولاحظ أهل البحرين يشترون من عندنا خاصة الحياة بلازا وطاباوسوق الدمام

أدخل محلات شويطر بتلقى الحلوى والمتاي والبهارات منسقه بطريقحلوه بصينيه والأجارات ....ترى الحريم يحبون هالسوالف بعد
وأخذ لها بعد جم جلابيه ....