عطني الميزانية وعدد الافراد والتاريخ التقريبي لسفره وابشر من اعيوني
بس بشكل عام لو دولة عربية عندك القاهرة وشرم الشيخ او بيروت
او عندك ماليزيا وسنغافورة
وعلى فكرة تايلند ممنوعه على السعودين
واذا اوربا انصحك بباريس
على العموم انا ناطر اجوبتك وان شاءالله افيدك بلي اقدر عليه

هلا اخوي ---- المغرب

طيب اذا مو تايلند
اندونيسيا او ماليزيا او هونغ كونغ او سنغافورا او ايران

حلو ومدلع
اما بالنسبة للميزانية من 6000 الى 8000 ريال
عدد الافراد 2 (انا و زوجي ) حابه اعمله له مفاجأه
التاريخ من 29 / 4 /1431 هجري الى 7 / 5/ 1431ه
واشكرك اخوي على الفزعه

مرحبا اخوي وعطني التاريخ بلميلادي اذا ممكن
وبسالك الميزانية مع ولا بدون التكت لان لو مع التكت فلميزانية قليله حتى لو بقولك روح على ماليزيا او اندونيسيا بعد قليله لان التكت بتاخذ 3 ارباع الميزانية وانتو اثنين ومن غير السكن والمصروف
بس ممكن تطلع على بيروت او القاهره عن طريق خطوط سما او ناس ممكن اتكون ارخصلك واتشوفلك سكن حلو وسعره زين وممكن اتكفي 5 ايام
بس لو اتزيد الميزانية يعني صلها لل 12 الف ريال او اقل شي 10 الاف ريال
وحزتها ممكن اتروح على ماليزيا او جزيرة بالي باندونيسيا وتقضون احلى رحلة

الله يعطيك العافية يا حلو ومدلع
بس شكلي بتعبك معي ....
بالنسبة للتاريخ الميلادي 15/ 4 / 2010 الى 21 / 4/ 2010 م
هذي الميزانية من غير التذاكر
واذا ممكن كم سعر التذكره لماليزيا؟ وهل شركة سما وناس عندهم رحلات لماليزيا ؟؟
واذا حاب اروح بلد عربي ايش رايك بيروت احسن ام تونس؟؟؟
ويش تنصحني؟؟؟؟

اذا بلد عربي اكيد بيروت
بس سما وناس ماتوصل ماليزيا لانهم شركات اقتصادية الشركة الاقتصادية حدها بسفر 4 ساعات بس
واذا الميزانية بدون التذاكر فهاي شي حلو وانصحك بماليزيا اتروح يومين كوالالمبور ويومين لانكاوي وبعدها 3 ليالي كوالالمبور وبتكون رحلة حلوة
بعد لو بتزيج المدة لين 10 ايام راح تستانسون وايد
وبنسبة للفنادق انصحك في لانكاوي بفندق لانكاوي لاقون
وبنسبة لكوالالمبرو انصحك بفندق الملنيوم او بلماريوت او الرتز كارلتون او الفورسيزنت
واي استفسار انا بلخدمة

هلا اذا الميزانيه 8الاف نصيحتي تروحون لماليزيا وانا مستعد اساعدك بكل شيى سافرت لماليزيا كثيرانا رحتلها جلست 15 يوم وعددنا 4 اشخاص صرفنا 16 الف وكنا مدلعين انفسناواي مكان انتي تبغينه انا مستعد وبالخدمه