السلام عليكم ورحمة الله وبركاته
حبيت استشيركم بشي انا كنت متزوجه من فتره طبعا كانت الماده تمنع من السفر لان كان راتبه ضعيف وشي وشي الحمدالله ارتفع قلت خلينا نسافر قالي ايه ودي يعني مقتنع دخلت فكرة السفر في مخه
فطبعا زوجي من النوع الي فلوسه مهيب له يعني يوزع ويعطي قال خلي العالم تستانس مابي احد يذوق الي ذقته قلت والسفر قال يمدي بعدها بفتره طبعا اصريت انه يشترك بجمعيه مع اخواتي والحمدالله اقتنع واشترك لما جمعت مبلغ 35 الف ريال اغلبها من الجمعيه والخمسه انا مجمعتها قلتله خلاص توفرت قالي يامره انا سيارتي قديمه كامري 2001 ودي ادفعها للسياره وطبعا السياره الي يبيها قيمتها حوالي 100 وشي قلتله خذ سياره ارخص قال لا بما اني بشتري بشتري شي افضل قالي خلينا ندفعها بسياره والباقي تقسيط وانتي على راحتك ان كانك مقتنعه بالفكره السياره شرينها واذا ماقتنعتي سافرنا بما اني انا الي تعبانه عليها وجاني وقتها بادب واستاذن مني
طبعا انا فكرت مره اقول ايه ومره يلعب الشيطان بمخي يقول لا لان بعدين بندخل بتقسيط يعني نص الراتب بيروح وعزالله الي ماسفرت انا اقول خلينا نسافر بها واذا رجعنا دخلنا بجمعيه للسياره
وش رايكم انتم معي والامع زوجي لان الصراحه خاطري بسفره مره كل العالم سافرت برا ومنطقه