فرنسا
سويسرا
المانيا
مناسبة جدا وكثرة التنقل تفقد السفرة متعتها
ممكن استبدال سويسؤا بالنمسا

مشكله يا شيخ كثر التنقل صراحه
يا تخليها باريس ستراسبورغ يورب بارك ميونيخ زيلامسي فيينا
يا تخليها باريس انسي انترلاكن جنيف
اهم شيء بالراحه الاستمتاع كثر التشك ان يتعب

فعلا مثل ماقالوا الاعضاء
كثرة التنقلات متعبه
خاصه انكم ماشاء الله كثير
يعني في كل مرة بتطلع من فندق يبغى لكم ترتيب شنط
واذا دخلتوا فندق بتفلون الشنط وبترتبونهم مره ثانيه
بس فيه شغله انت ماذكرتها
اللي هي
كم عدد ايام السفره؟
اذا كانت كثير تقدر تروح محل ماتبي وتمر على كل الدول اللي في بالك
وبدون ماتتعبك كثرة التنقلات
ياليت توضح كم يوم سفرتك
عشان ننصحك
ونفيدك ونستفيد منك
تحياتي لك

مرحبا اخوانى مدة السفرة تقريبا 3 اسابيع
رتبتها كتاالي مع مكتب السفريات
فرنسا 3 ايام
فينا اسبوع
زلامسي 3 ايام
ميونخ اسبوع
ارجوا افادتي بالفنادق وكيفيه التقل بسهولة من دولة لدوله ويوم السفر بيكون 3ايام العيد باذن الله

لا ياخي محمد غلط ترتيبك اسمح لي
اولا حط في بالك عددكم الكبير والتكلفة العاليه لتذاكر النقل في حالتكم
ارشح لك التالي :
فرنسا - سويسرا - النمسا -ميونخ
او العكس
فيننا اشوف مالها داعي تبعد عليكم المسافه ولاشي يذكر بها تحرص عليه
التنقل عبر سيارة فان لكم جميعكم والله يوفقكم ويكتب لكم مافيه الخير

اتفق مع الاخ فارس الجبيل
وافصل لك بعض الاشياء والقرار راجع لك
باريس خمس ايام
انترلاكن في سويسرا خمس ايام
زيلامسي خمس ايام يتخللها يوم لسالزبورج
وميونخ يومين
كم صاروا ذا الحين
(خمسه وخمسه وخمسه وباليد اثنين) يطلع المجموع 17 يوم
يبقى لك ثلاث ايام
تقدر تاخذ لك يومين او ثلاثه في فيينا قبل لاتروح ميونخ
بذا التوزيع ممكن انك ماراح تحس بالتنقلات لانها بعيده عن بعض
يعني خمس ايام في كل دوله بتنسيك شيلة الاغراض وهمهم
الامر راجع لك
ملاحظه:-
(انا حاط كل دوله والايام اللي تستاهلها على حسب قرأتي وليس على حسب تجربه)

من راي تقتصر الرحلة على دولتين فقط
ميول افراد الاسره ما هي ؟
ملاهي والعاب مثلا ؟
او طبيعه خلابه وجبال وخضره وبحيرات ؟
التنقل لازم يكون سيارة ايجار
السكن يكون في شقق فندقيه
اما سويسرا والنمسا
او فرنسا والمانيا
او فرنسا وسويسرا

هنا العمالقه مالي كلام

مرحبا اخواني شاكر لكم ردودكم وماقصرتو بس المراد من السفر اكيد رحلة ترفيهية بتكون في ديزني لاند اثناء تواجدي فيها
واككيد طبيعة وخضرة في زلامسي من ناحية السفر انا للامانة اول مرة اروح اوروبا والكل اسمعة يقول الدول قريبة من بعض
علشان كذا انا فكرت اروح مرة وحدة للدول الي ذكرتها احنا رايحين تمشاية فقط يعني ممكن اسواق بس مب حاطين تكلفة مالية
للتسوق لان معاي ماشالله اطفال وكبار اا القصد من هذا كلة كنت ابي الطريقة السهلة للتنقل مابين الدول كيفية التعامل مع سيارات الاجرة
او التنقل بالقطارات وكنت اريد معرفة الفنادق او الشقق الفندقية الافضل والمناسبة من ناحية الاسعار بحيث لاتكون تكلفة المادية كبيرة
مثلا وش احسن فندق في فينا او شقق اسعارها معقولة تليها الدول الي راح اروح لها علشان اعمل حسابي واحجز من دولتي قبل لا اسافر مابي اروح هناك اتبهدل وانا ادور
وحبيت اعرف وين اقرب المطاعم العربية ووين اقدر اخذ كروت للهواتف النقالة وطريقة تفعيل خدمة البلاك بيري في كل دولة استفساراتي كثيرة ولكن اعذروني
لعدم خبرتي حيث اول مرة اسافر لهذة الدول ارجو مساعدتي ولكم مني كل الشكر الامتنان