عزيزي جميع المكاتب السياحية توفر ذلك..يمكنك الإستفسار من عبرها..
وبالتوفيق..

السلام عليكم
اخي العزيز :
اولا: جميع القنصليات الموجودة في الخليج هي قنصليات تجاريه فقط ولن تقدم اي خدمة الا في ناحية المعلومات العامه ناهيك عن الضغط الناتج عن البعثات في السعوديه فمن الطبيعي لا تجد استجابه ولكن استطيع ان اقول لك حسب معلوماتي المتواضه انه احيانا توكل هذه المهمه لاحدي السفارتين اما البرطانيه او الاستراليه .
ثانيا: يجب عليك مراجعه التعليم لديكم اولا سواء في قطر او سوريا لمعرفة الجامعات المعتمدة اولا ومن ثم التوجه الي احدي المكاتب لديكم ولكن انا سوف اضع لك هنا الجامعات ومواقعها ولكن تاكد قبل ان تقوم بالمراسله تاكد مما ذكرت لك لان الوزارات العربيه جميعا لك عليها .
جامعة أوكلاند
http://www.auckland.ac.nz
جامعة أوتاقو
http://www.otago.ac.nz
جامعة فكتوريا
http://www.victoria.ac.nz
جامعة كانتربري
http://www.canterbury.ac.nz
جامعة ماسي
http://www.massey.ac.nz
جامعة اوكلاند للتكنلوجيا
http://www.aut.ac.nz
ملاحظه:
بالنسبة لك يالغالي اعتقد ان اهل سوريا وايضا الاردن يراجعون السفارة النيوزلندية في هونج كونج

الله يعطيك العافية أخوي "Auckland2007" ماقصرّت..
وبالتوفيق للجميع..

السلام عليكم
اعزائي
ابي اسافر ومليت من الانتظار ابيكم تنصحوني بمعهد ممتاز
وابي النصح من واقع تجربه
وشرط ما يكون غالي
عشان اذا خلصت لغه اقدر اسجل بعدها ماجستير
خلونا باللغه اول شي
وشلون طريقه مراسلتهم
وماعندي مكاتب تسجيل هنا
لكن من خلال المشاركات توضح انه التسجيل من هناك اوفر وافضل
ابي تقدير التكلفه
وارجو الي يرد على الموضوع يستمر معاي بالردود لاني والله ماعندي قناه اتصال غير هالمنتدى
على فكره خذيت مواقع المعاهد بنيوزلاندا طيب مافيه شخص هناك اتصله ويتابع الاجراءات
لكم جزيل الشكر

مشكورين على تواصلكم
معاي
بالنسبه للجامعات انا فكرت بالموضوع شرايكم ادرس لغه اول شي بمعهد وبعدين اقدر اسجل باي جامعه
هالحين ساعدوني بايجاد المعهد المناسب للغه ومايكون غالي
كون معهد مجرب ومبخون
وشلون اراسله عندي مواقع المعاهد لكن شلون اراسلهم
واتمنى انكم تاصلون معاي بالردود لاني بدخل نت علشان هالموضوع بس
مو تنسون
عزيزي احمد سالت المكاتب السياحيه بقطر كلها ماعندهم اي معلومه عن هالموضوع
ارجو الرد
تقبلوا تقديري شاكر لكم النصح والافاده

هلا اخوي كحيلان ..
طيب عشان اسهلك الموضوع ابغاك تجاوب على الاسئله هذي ..
اختار مدينه للدراسه اولا ..
متى بدايه الكورس ؟
مدة الكورس ؟
كم الميزانيه المقترحه ولكم شهر ؟
متى موعد السفر ؟ يفضل مع بدايه السنه الجديده ..
اذا في اي تساؤل انا حاضر ..
دودي

دودي يالغالي مشكور على تواصلك
بصراحه شفت مشاركاتك ومساعدتك للجميع جزاك الله كل خير
بالنسبه للاجوبه على اسئلتك
اي مدينه؟؟؟؟؟ لم احدد اي مدينه لانني لااملك معلومات كافيه وارجو افادتي بالنصح من واقع تجربه
حيث تكون مدينه قليل فيها العرب وفيها امان
بدايه الكورس؟؟؟ ان شاء الله في 20/1/2009
مدة الكورس ؟؟؟ شلون تنصحني 3 شهور ولا 6شهور عشان اقدر اقدم بعدها ماجستير
اما بالنسبه للميزانيه؟؟ بحدود 40000 الف ريال ان شاء الله
لاني بصراحه اخوي دودي انا مقيم بقطر وماابي تموت الاقامه يعني ارجع لقطر اجددها كل ست شهور واكمل دراستي
بس المهم شلون احصل قبول معهد عشان الفيزا يطلبون شي غير صوره الجواز
وتكفى ابي مساعدتك بهالموضوع وابيك تنصحني بمعهد مناسب لاامكاناتي لاني خايف اوقع بحد مايخاف الله
شلون اتواصل معاك وابيك تدلني خطوه خطوه
انتظر ردك يالغالي
جزاك الله كل خير

السلام عليكم
الاخ كحيلان فكرتك رائعه لكي تكون الطلبات اخف نوعا ما
حدد المدينه وسوف ازودك ببعض الاسعار والتكاليف
ولا تنسي تسال عن موضوع الفيزاء هل يكون من بانكوك او هنج كنج

هلا اخوي auckland2007 يعني ايدتني بالفكرره احييك
بالنسبه للفيزا مافيه احد جاوبني عنها ما خليت مكتب وماسالته حتى هيئه التعليم
ولاحياة لمن تنادي
يقولون المعهد الي يقبلك هو يطلعلك فيزا دراسيه ويرسلها لك وتقدر تسافر
طيب وشلون اجراءات الفيزا والله حيرونا والعزيمه تحلحلت من هالحين الله المستعان
لكن بسافر بسافر قولو ان شاء الله
انتظر ردك ولاتطول كالعادة
تقبل شكري وتقديري لجهودك المباركه