حبيتي ماراح نحكي لي ايوه وتتورطين وماراح نحكي لك ويصير لك حكي أخر !
5الف (شامل التذكره والتأشيره ولالا ) ؟
الفندق ( فايف ستارز ,, او عادي ,,) ؟
الاكل وجبات سريعه ولا مطعم فايف ستارز ؟

ايوه 15 شامل التذكره
انا وزوجي وطفلي توقعت تذاكرنا تكون 9 الاف تقريبا لان ماعرف كم سعر تذكرة الطفل
والفندق مو فايف ستارز نقوول 4 ستارز او عاادي
الاكل وجبات سريعه
يعني الاقامه 6 الاف مع التنقلات تكفي ؟؟؟؟؟

ام
5الف ريال ؟؟
انا اذكر مره رحت مع صاحبي من مكتب سفريات عبدالله فؤاد بالدمام
عطاني برنامج بايطاليا
لمدة 12 يوم جزأناها بين روما وميلان
مع التذاكر شامله التنقلات والفنادق 4 و5 نجوم كلفنا الباكيج كامل لشخصين ب 12 الف ريال
زكانت سفره مره ممتعه هناك وفي قمة الروعه
ولكن هناك المعيشة مكلفه بصراحه يعني مثلا التكاسي ماانصحك تركبوها لانهم ياخذون مبالغ خياليه على مشاوير صغيره
اذا تبون توفرون هناك اركبوا باصات لاي مشوار تبونه نصيحه
وكمان المطاعم لا تفخفخوا مره وتطلبوا اشياء كثيره لانه مطاعمهم غاليه بعد
يعني بمبلغ 6 الاف لمدة 10 ايام ممكنه ولكن يبيللك تعصي على قولتهم على القرش الواحد والا روحي ماليزيا وتعيشي ملكة هناك بالمبلغ اللي عندك هذا
وبالتوفيق

ثفثضقبض3ق
ماراح أكذب عليك ابدأ ,, مآتكفي ولا تنسين أنك بلد اسعاره غاليه بالنسبه للمبلغ
التاكسي وهالتاكسي المشاوير الصغيره شوفي كم تأخذ من الميزآنيه
روحي (لأندونيسيا , او ماليزيا ,, )
دعواتك لي بالتوفيق

ياربي مابي ماليزيا واندونيسياا
خلااص شكلي بقلل عدد الايام نروح اسبوع يكفي مو 10 ايام
ب15 الف برضو مايكفي؟؟؟؟؟؟؟؟

هلا اختي
باصرارك هذا ممكن بس بتوفر التالي
1_اسعار التذاكر تكون بوقت التخفيض اللى يوصل للشخص
ذهاب وعودة الى 1600ريال
2_اختيار مدينتين الى ثلاث مدن وتحديد فنادق لايتجاوز سعر اليلة فيها500ريال
3_نوع التنقل واعتقد القطار هو الافضل لك ادخلى موقع القطارات الايطالي
وشوفي للتنقل بين المدن اللى بتزورينها بالقطار كم يكلفك
لو فرضا" كلفتك التنقلات 2000ريال درجة سياحية ممتاز
4_اعملى حساب انك ماتتسوقين ولا تشترين ولاحاجة من هناك
5_الاكل والشرب يبيلك على ميزانيتك اخذ تصبيرات من السعودية معك
وتكتفون بوجبة وحدة باليوم مع افطار الفندق
يعني لو فرظنى خففتي المدة من 10 ايام الى 7 ايام
حتطلع الرحلة كما يلي
التذاكر 4000 الاف لك ولزوجك وطفلكم وقت التخفيض
السكن 3 او2 نجوم لمدة 6ليالي حيكون بحدود 4000الاف
التنقل بحدود 2000ريال بين المدن
تنقلات بالميترو والباص السياحي وتاكسي من والى المطار 2000ريال
والاكل والشرب والزيارات لمواقع السياحة 3000 ريال
ممكن يكون حلمك حقيقة
والله يعينك تقتصدي الى ابعد حد تقدرين علية
اتمنى لك التوفيق

ممكن تكفي لكن بدون تسوق ^-^

ان شأالله حلمك يتحقق
مثل ماقال ابو طلال بس حبيت ان اقولك توني شفت موقع الخطوط السعوديه ولقيت الاسعار وحتكلفكم التذاكر 5000ريال
وممكن تلقين اقل لو دورتي من الان وهناك خطوط كثيره
وشكرا

أختي بتكفيك وزيادة بس لازم تحجزين من الحين أولا تلحقين على التذاكر وتحددين المدن الي بتروحين لها
أنا أخذت تذكرتين أنا وزوجتي على الخطوط السعودية حاجزها من شهرين أخذتها على 3000 الرياض روما أنا وزوجتي
انا دخلت تو وحصلت لك 4880 لكم الثلاثة الرياض روما روما الرياض
والفنادق بتحصلين على 500 ريال لليله ويمكن أقل وموقع بوكينق بيفيدك أكثر وسهل
وهذا هو الموقع
https://www.booking.com
,بالنسبه للمصروف أنتي عاد يبيلك تقرين التقارير وتعرفين وين بتروحين وكيف تروحين
يعني استخدمي الميترو وخلي عنك التكاسي عشان ارخص
وشوفي بتروحين لكم مدينة
وفيه مكتب أسمه الزومان موجود على طريق الوزارات يحجز لك قطارات بين مدن أيطاليا بأقل الأسعار
أتمنى أكون أفدتك والله يسهل أموركم وتروحون
تحياتي